Entamoeba histolytica

Entamoeba histolytica estas anaeroba parazita protozoo kun formo de amebo, kiel ĝia nomo indikas, ene de la genro Entamoeba. Estas patogena kaj por homoj kaj por kanisedoj, kaŭzante amebiazon inklude ameban kojliton kaj hepatan absceson. La infekto per E. histolytica povas disvolviĝi sensimptome aŭ povas produkti kelkajn de la menciitaj malsanoj. La plej parto de infektoj produktitaj estas sensimptomaj, sed kiam okazas invadaj infektoj, tiuj okazigas tre gravajn konsekvencojn por la gastiganto. Por ekzemplo, la ameba kojlito estas unu de la ĉefaj kaŭzoj de diareo en la mondo, ĉefe en evoluiĝantaj landoj kie ĝi estas la 15a plej ĉefa kaŭzo de diareo dum la unuaj du vivojaroj. Krome, tiu patogeno okazigis ankaŭ eksterintestajn infektojn, ĉefe hepatajn abscesojn, kio siavice okazigis komplikojn multe pli gravajn kiuj povas eĉ iĝi mortiga. Pro tio, kaj pro ties facileco de disvastiĝo kaj kontaĝo, ĝi estas klasita ene de la kategorio B de patogeno de prioritato de biodefendo fare de la National Institute of Allergy and Infectious Diseases (NIAID).