Europeade

La Europeade estas la plej granda festivalo de Eŭropa folkloro. La festivalo estas organizita ĉiujare en alia lando. En 2007 la festivalo estis en Horsens, Danio, en 2008 en Martigny, Svislando. La Europeade de 2009 okazos en Klaipeda, Litovio, tiu de 2010 en Dachau, Germanio kaj tiu de 2011 en Tallinn, Estonio.

La Europeade 2008 en Martigny (ch)

La unua Europeade estis organizita en 1964 en iniciativo de Mon de Clopper (1922-1998) el Flandrio kaj Robert Müller-Kox, Germano forpelita el Silezio. Mon de Clopper estis prezidanto de la organizo de la Europeade ĝis 1997. En tiu jaro li estis sekvita de Bruno Peeters (naskiĝis en 1939), kiu ankoraŭ estas prezidanto. Li ankaŭ estas el Flandrio.

La celo de la Europeade estas kontribui al Eŭropo unuita, al kiu ĉiu alportas sian kulturon, kaj ĝuas la kulturon de ĉiu alia. Tiu estas ĉiujare la komencpunkto de la kvintaga festivalo, en kiu miloj da partoprenantoj en tradiciaj vestoj el tuta Eŭropo renkontiĝas por kanti, por muziki, por danci kaj por ĝui sen formalaj paroladoj.

Urboj en kiuj okazis la Europeade

1. 1964 Antverpeno, Belgio
2. 1965 Dortmund, Germanio
3. 1966 Antverpeno, Belgio
4. 1967 Valencia, Hispanio
5. 1968 Antverpeno, Belgio
6. 1969 Marche-en-Famenne, Belgio
7. 1970 Herzogenaurach, Germanio
8. 1971 Antverpeno, Belgio
9. 1972 Annecy, Francio
10. 1973 Nuoro, Italio
11. 1974 Antverpeno, Belgio
12. 1975 Marbella, Hispanio
13. 1976 Annecy, Francio
14. 1977 Nuoro Italio
15. 1978 Vieno, Aŭstrio
16. 1979 Antverpeno, Belgio
17. 1980 Schwalmstadt, Germanio
18. 1981 Martigny, Svislando
19. 1982 Gijón, Hispanio
20. 1983 Vieno, Aŭstrio
21. 1984 Rennes, Francio
22. 1985 Torino, Italio
23. 1986 Figueira da Foz, Portugalio
24. 1987 Munkeno, Germanio
25. 1988 Antverpeno, Belgio
26. 1989 Libourne, Francio
27. 1990 Valladolid, Hispanio
28. 1991 Rennes, Francio
29. 1992 Figueira da Foz, Portugalio
30. 1993 Horsens, Danio
31. 1994 Frankenberg, Germanio
32. 1995 Valencia, Hispanio
33. 1996 Torino, Italio
34. 1997 Martigny, Svislando
35. 1998 Rennes, Francio
36. 1999 Bayreuth, Germanio
37. 2000 Horsens, Danlando
38. 2001 Zamora, Hispanio
39. 2002 Antverpeno, Belgio
40. 2003 Nuoro, Italio
41. 2004 Riga, Latvio. En tiu urbo oni establis monumenton kiel memoron restantan por tiu Europeade. La monumento estis donita de urboj en kiuj la Europeade okazis antaŭe okaze de la unua Europeade en la Baltio kaj la unua en la teritorio de la antaŭa Sovjetunio.
42. 2005 Quimper, Francio
43. 2006 Zamora, Hispanio
44. 2007 Horsens, Danlando
45. 2008 Martigny, Svislando
46. 2009 Klaipėda, Litovio
47. 2010 Bolzano, Italio
48. 2011 Tartu, Estonio
49. 2012 Pandovo, Italio
50. 2013 Gotha, Germanio
51. 2014 Kielce, Pollando
52. 2015 Helsingborg, Danio
53. 2016 Namur, Belgio
54. 2017 Turku, Finnlando
55. 2018 Viseu, Portugalio
56. 2019 Frankenberg, Germanio

Partopreneco laŭ landoj

Ĉirkaŭ 200 grupoj ensalutis por la Europeade 2008 en Martigny, Svislando. Ili estis:

• 27 grupoj el Germanio
• 26 grupoj el Hispanio
• 24 grupoj el Flandrio
• 16 grupoj el Latvio
• 15 grupoj el Estonio, el Francio kaj el Italio
• 10 grupoj el Hungario
• 9 grupoj el Litovio
• 8 grupoj el Ĉeĥio
• 7 grupoj el Portugalio
• 5 grupoj el Danio
• 3 grupoj el Irlando, el Nederlando, el Rumanio kaj el Svedio
• du grupoj el Bulgario, el Finnlando, el Grekio, el Kipro, el la Unuiĝinta Reĝlando kaj el Valonio
• unu grupo el Armenio, el Aŭstrio, el Georgio, el Gronlando kaj el Luksemburgo
• ankaŭ la lando gastiganta Svislando estis reprezentita de nur unu grupo
• neniuj grupoj estis el Islando, Norvegio, Pollando, Slovakio kaj Eksjugoslavio, malgraŭ la riĉa tradicio folklora de tiuj landoj.

Fontoj kaj eksteraj ligiloj

• Retejo de la centra organizo de la Europeade
• Europeade 2008 Martigny, Svislando Arkivigite je 2008-09-19 per la retarkivo Wayback Machine
• Europeade 2009 Klaipeda, Litovio Arkivigite je 2008-11-09 per la retarkivo Wayback Machine