Filip Adwent
Filip Stanisław Adwent (naskiĝis la 31-an de aŭgusto 1955 en Strasburgo, mortis la 26-an de junio 2005 en Varsovio) – pola politikisto, kuracisto, membro de Eŭropa Parlamento.
| Filip Adwent | |||||
|---|---|---|---|---|---|
| Persona informo | |||||
| Naskiĝo | 31-an de aŭgusto 1955 en Strasburgo | ||||
| Morto | 26-an de junio 2005 (49-jaraĝa) en Varsovio | ||||
| Mortis per | trafikakcidento vd | ||||
| Tombo | Grodzisk Mazowiecki vd | ||||
| Lingvoj | pola vd | ||||
| Ŝtataneco | Pollando vd | ||||
| Alma mater | Szkoła Główna Gospodarstwa Wiejskiego • Universitato de Strasburgo vd | ||||
| Partio | Ligo de Polaj Familioj vd | ||||
| Profesio | |||||
| Okupo | politikisto • kuracisto vd | ||||
| Aktiva en | Strasburgo • Bruselo vd | ||||
| |||||
| En TTT | Oficiala retejo vd | ||||
| vd | Fonto: Vikidatumoj | ||||
Vivkuro redakti
Laŭ edukiteco estis medicina kuracisto (specialiĝo: anestezologio kaj intensa terapio). En 2004 finis postdiplomajn studojn pri naturprotektismo en Szkoła Główna Gospodarstwa Wiejskiego (Ĉefa Lernejo de Vilaĝa Mastrumado) en Varsovio.
De 1996 loĝis en Grodzisk Mazowiecki, pli frue de multaj jaroj estis en Francio. De 1983 preskaŭ dum 15 jaroj organizis socian helpon al loĝantoj de Jarosław, Rzeszów kaj Przemyśl. En 1995 estis pro tio distingita per ordeno „Pro Meritoj por Sav-Protekto“.
En la jaroj 2001-2002 estis membro de Pola Interkonsento. El la listo de Ligo de Polaj Familioj sen sukceso kandidatis al Sejmo dum parlamenta balotado en 2001. Junie 2004 estis elektita eŭrodeputito en balotado al Eŭropa Parlamento, denove de la listo de Ligo de Polaj Familio en Ĉekarpata Provinco. Apartenis al la Frakcio Sendependeco kaj Demokratio. Konis kvin lingvojn: polan, francan, anglan, germanan kaj rusan. Publikigis i.a. laboraĵon Dlaczego Unia Europejska jest zgubą dla Polski? (Kial Eŭropa Unio estas pereo por Pollando?) (Eldonejo Antyk, 2003, ISBN 83-87809-77-2)
Li mortis pro vundoj post aŭtomobila akcidento, kiu okazis la 18-an de junio 2005 apud Grójec. Surloke pereis lia 19-aĝa filino Maria kaj 85-aĝa patro Stanisław. Filip Adwent kaj lia patrino mortis pro ricevitaj vundoj ok tagojn pli poste.
Eksteraj ligiloj redakti
- Paĝo dediĉita al Filip Adwent
- Paĝo de la Instituto nome de Filip Adwent Arkivigite je 2013-08-11 per la retarkivo Wayback Machine