Gineo

Gineo estis monero de proksimume unu kvarono da unco de oro kiu estis stampita en Granda Britio inter 1663 kaj 1814. La nomo devenas el la regiono Gvineo en Okcidenta Afriko, de kie multo de la oro uzita por fari la monerojn originiĝis. Ĝi estis la unua angla maŝin-stampita ormonero, origine valora kiel unu Brita pundo, kaj kiel dudek ŝilingoj, sed ĝi plialtiĝis laŭ la prezo de oro relative al tiu de arĝento, kio plialtigis ankaŭ la valaron de gineo, foje tiom alte kiom ĝis tridek ŝilingoj. El 1717 al 1816, ĝia valoro estis oficiale fiksita je 21 ŝilingoj.

Monero de kvin gineoj, Jakobo la 2-a, Granda Britio, 1688.