Guthlac
Guthlac (n. ĉirkaŭ 673, m. la 11-an de aprilo 714) estis anglosaksa sanktulo.
| Sankta | ||
| Guthlac | ||
|---|---|---|
| ||
| Persona informo | ||
| Naskiĝo | 30-an de novembro 673 en Mercia | |
| Morto | 3-an de aprilo 715 (41-jaraĝa) en Anglio | |
| Religio | ortodoksismo vd | |
| Ŝtataneco | Mercia vd | |
| Familio | ||
| Gefratoj | Pega vd | |
| Profesio | ||
| Okupo | monaĥo • ermito vd | |
| Sanktulo | ||
| vd | Fonto: Vikidatumoj | |
Familio redakti
Guthlac estis filo de Penwalh aŭ Penwald kaj ties edzino Tette, kaj ano de la reĝa familio de Mercia. Lia fratino Pega estis ermitino en Cambridgeshire kaj ankaŭ ŝi estis venerata kiel sanktulino.
Vivo redakti
Dum sia juneco li famis kiel batalisto sub Aethelred la 1-a, reĝo de Mercia. Tamen dum siaj dudekaj jaroj li spertis akran senson de la vaneco de militado, kaj eniris la monaĥejon de Repton. Post du jaroj li translokiĝis al Crowland (antaŭe nomita Croyland), Lincolnshire, kie li konstruis por si ermitejon. Laŭdire por vestoj li portis nur bestpeltojn, kaj manĝis nur iomete da hordea pano.
Lia famo disvastiĝis kaj multaj vizitis lin. Antaŭ ol sia altroniĝo, Aethelbald (kiu regis Mercia de 716 al 757) estis ekzilata kaj pasis iom da tempo kun Guthlac. Guthlac mortis en 714, kaj poste Aethelbald sonĝis ke Guthlac profetis ke li ĝuos bonegan estontecon. Post kiam li altroniĝis, Aethelbald fondis ĉe Crowland sanktejon kaj abatejon dediĉitajn al Guthlac.
Verkoj pri Guthlac redakti
Dum la 8-a jarcento monaĥo nomita Felix verkis biografion de Guthlac. Estas du anglosasksaj poemoj - konataj kiel Guthlac A kaj Guthlac B - kiuj pritraktas Guthlac.