Hamry (distrikto Chrudim)

Por aliaj signifoj, bv. rigardi la apartigilan paĝon: Hamry

Municipo Hamry situas en Ĉeĥio, regiono Pardubice, distrikto Chrudim, en valo de rivero Chrudimka, 4 km sude de urbo Hlinsko. Vivas ĉi tie 225 loĝantoj (2023). Sude de la municipo troviĝas unu el la plej malnovaj valbaraĵoj en Ĉeĥio - Hamry.

Hamry
germane Hammer
municipo
Hamry, municipa ofico
Flago Blazono
Oficiala nomo: Hamry
Ŝtato	Ĉeĥio
Regiono	Regiono Pardubice
Distrikto	Distrikto Chrudim
Administra municipo	Hlinsko
Historia regiono	Bohemio
Montaro	Suprasvratka montetaro, Fera montaro
Rivero	Chrudimka
Situo	Hamry
- alteco	585 m s. m.
- koordinatoj	49° 44′ 16″ N 15° 55′ 31″ O (mapo)
Katastro	3,82 km² (382 ha) Hamry u Hlinska
Loĝantaro	225 (2023)
Denseco	58,9 loĝ./km²
Unua skribmencio	1353
Horzono	MET (UTC+1)
- somera tempo	MET (UTC+2)
Poŝtkodo	539 01
NUTS 3	CZ053
NUTS 4	CZ0531
NUTS 5	CZ0531 571377
Katastraj teritorioj	1
Partoj de municipo	1
Bazaj setlejunuoj	1
Situo enkadre de Ĉeĥio Situo enkadre de Ĉeĥio
Vikimedia Komunejo: Hamry (Chrudim District)
Retpaĝo: www.hamry.cz
Portalo pri Ĉeĥio

La najbaraj municipoj de la setlejo estas Jeníkov, Hlinsko, Studnice kaj Vortová.

Historio

La unuaj skribaj mencioj pri la vilaĝo, kiu ekestis komence de la 16-a jarcento, devenas el la jaro 1353 kaj el la jaro 1392, kiam ĝi estis parto de la sinjorejo Rychmburk. La vilaĝo, origine nomata Přerostlé kaj poste de la 18-a jarcento Přerostlé Hamry, situas en pentrinda pejzaĝo ĉirkaŭ rivero Chrudimka. La nomo Hamry estas derivita de la vorto hamr (martelmaŝino) signanta maŝinon kaj ankaŭ domon, kie oni prilaboradis krudan feron je forĝebla ŝtalo. Ĝi estis esence granda forĝejo, kies ĉefa ilo estis ĝuste martelmaŝino, grandega martelo movigada per akvorado. En la 15-a kaj 16-a jarcentoj martelmaŝinista metio floris kaj martelmaŝinistoj estis relative riĉaj homoj kun diversaj eksterordinaraj rajtoj. Ĝis nun Hamry konservis sian originan situan strukturon, kiun kreas domoj en grupoj sur ambaŭ flankoj de la rivero. En la vilaĝo konserviĝis kelkaj valoraj popolkonstruaĵoj tipaj por ĉi tiu submontara regiono (n-roj 4, 5, 12, 14, 25), ĉarpentitaj, ĉiuj el la jaroj 1780 - 1790. La bieno havas loĝdomon el la 17-a jarcento kaj el la 1-a duono de la 18-a jarcento, teretaĝo estas masonita, la dua etaĝo ĉarpentita.

Loĝantaro

Evoluo de nombro de loĝantoj

La datoj devenas el datumbazo de Vikidatumoj

Jaro	Loĝantoj
1869	531
1880	530
1890	536
1900	559
1910	607
1921	559

Jaro	Loĝantoj
1930	597
1950	395
1961	368
1970	320
1980	262
1991	219

Jaro	Loĝantoj
2001	237
2014	260
2016	240
2017	237
2018	234
2019	233

Jaro	Loĝantoj
2020	233
2021	221
2022	219
2023	225

Vidindaĵoj

Kapelo kaj banejo

Proksime de Hamry, apud la vojo al Hlinsko, troviĝas baroka kapelo de Sankta Johano Nepomuka el la jaro 1760, konstruita super fonteto kun kuraca akvo. Jam en la 17-a jarcento ĉi tie estis t.n. Sanktjohana Banejo. La kapelo estas oblonga, finita duoncirkle, volbita per du krestaj kampoj sur zonoj. Sur la altaro estas statuo de Sankta Johano Nepomuka el la 1-a duono de 18-a jarcento.

Statuo

Statuo de Sankta Maria estas el la jaro 1828.

Valbaraĵo

En la jaroj 1907 - 1912 estis ĉi tie konstruita unu el la plej malnovaj surŝutitaj valbaraĵoj en Ĉeĥio. Ĝia ĉefa celo estis protekti la teritorion kontraŭ inundoj. Nuntempe krom tio ĝi provizas grandan teritorion ĉirkaŭ Hlinsko kaj Havlíčkův Brod per trinkakvo. Belega pejzaĝo en ĉirkaŭaĵo ĝis nun allogas multajn turistojn ne nur somere, sed ankaŭ proponas idealan terenon por skikurado. Tra la vilaĝo trairas instrua pado "Tra Vysočina regiono" kaj apude kondukas bicikla vojo n-ro 1 el Prago al Brno.

Literaturo

• Marek Podhorský: Pardubický kraj. Eldonis freytag & berndt, eldonejo en Prago en j. 2004.

Pluaj fotoj

• 
  Fajroestingista armilejo
• 
  Hamry n-ro 25
• 
  Hamry n-ro 78
• 
  Hamry n-ro 25

Eksteraj ligiloj

• Paĝaro de mikroregiono Hlinsko Arkivigite je 2010-10-03 per la retarkivo Wayback Machine ĉeĥe