Hinterhermsdorf

La vilaĝo Hinterhermsdorf situas ĉe la orienta rando de Saksa Svislando, la germana parto de Elba Grejsmontaro. Meze tra la vilaĝo tiriĝas la limo inter elba grejso kaj luzacia granito. Administre ĝi apartenas al la urbo Sebnitz.

aparte larĝa plia panoramo

panoramo de la kerna parto de Hinterhermsdorf

Turismo

Vidindaĵoj en la vilaĝo

En Hinterhermsdorf staras 62 domoj de la tipo Umgebindehaus (germane, prononcu: Umgebindehaŭs), tio estas specifa trabfaka konstruaĵo karakteriza por multaj vilaĝoj de la orienta Ercmontaro, Elba Grejsmontaro kaj Supra Luzacio.

En unu el ili estas muzeo kun historia loĝoĉambro de arbara laboristo (germane: Waldarbeiterstube).

Ĉirkaŭaĵo

Supra kaj malsupra kluzo (teknikaj monumentoj)

valo de rojo Weißbach

ravino de rivereto Kirnitzsch (prononcu: kir'niĉ)

monto Königsplatz, 436 metroj, kun panorama vido

monto Weifberg, 478 metroj, kun nova panoramoturo

monto Wachberg, 496 metroj, kun panoramo

Rilataj temoj

• Zadní Doubice