Hofen SH
Hofen estis ĝis la 31-a de decembro 2008 komunumo en Kantono Ŝafhaŭzo, Svislando. Ĝi havis 138 loĝantojn je la 31-a de decembro 2007 kaj estas la plej malgranda komunumo de la kantono. Ek de la 1-a de januaro 2009 Hofen estas parto de la komunumo Thayngen.
| Hofen | |
|---|---|
 | |
 | |
| vilaĝo • former municipality of Switzerland • komunumoparto en Germanio | |
| Kantono | Ŝafhaŭzo |
| Komunumo(j) | Thayngen |
| Koordinatoj | 47° 46′ 58″ N 8° 40′ 37″ O / 47.78278 °N, 8.67694 °O (mapo)Koordinatoj: 47° 46′ 58″ N 8° 40′ 37″ O / 47.78278 °N, 8.67694 °O (mapo) |
| Areo | 1,05 km² |
| Alteco | 474 m super marnivelo |
| Poŝtkodo | 8242 |
Geografio redakti
Hofen situas en la regiono de la montarĉeno Randen en la nordo de Kantono Ŝafhaŭzo ĉe la germana landlimo.
Najbaraj komunumoj kaj lokoj redakti
Hofen limis ĝis la komunuma kunfandiĝo en nordo kaj oriento al la germana komunumoTengen (Baden-Virtembergo), en sudo al Bibern, en sudokcidento al Opfertshofen kaj en nordokcidento al Altdorf.
Trafiko redakti
Hofen estas per lokaj aŭtobusoj de Verkehrsbetriebe Schaffhausen ligita kun Thayngen kaj Ŝafhaŭzo.
Historio redakti
La unua dokumenta mencio de Hofen datiĝas el la jaro 1258. En mezepoko la plej multaj bienoj en Hofen apartenis al la Monaĥejo Sankt-Georgen en Stein ĉe Rejno. En 1538 tiujn bienojn akiris la urbo Ŝafhaŭzo. En la 19-a jarcento Hofen estis regita de Bibern. En 1861 Hofen disiĝis de Bibern kaj fariĝis aŭtonoma politika komunumo.
Komunuma kunfandiĝo redakti
Per la publika baloto de dimanĉo la 17-an de aŭgusto 2008 la kvin aŭtonomaj komunumoj Thayngen, Altdorf, Bibern, Hofen kaj Opfertshofen akceptis la kunfandiĝon de iliaj komunumoj kun efiko je la 1-a de januaro 2009. La nova komunumo Thayngen havas proksimume 5000 loĝantojn. Kiel konsekvenco Hofen ek de la 1-a de januaro 2009 ĉesis ekzisti kiel aŭtonoma politika komunumo.
Vidu ankaŭ redakti
- Aliaj lokoj kun la nomo Hofen