Hugo Preuß

Hugo PREUSS (naskiĝis la  28-an de oktobro 1860(nun 1860-10-28) en Berlino, Reĝlando Prusio; mortis la 9-an de oktobro 1925 en Berlino, Vajmara Respubliko) estis germana politikisto kaj kunfondinto de la Germana Demokratia Partio (germanlingve Deutsche Demokratische Partei, DDP). Li ankaŭ kunskribis la konstitucion de la Vajmara Respubliko.

Hugo Preuß
Persona informo
Hugo Preuß
Naskiĝo	28-an de oktobro 1860 (1860-10-28) en Berlino
Morto	9-an de oktobro 1925 (1925-10-09) (64-jaraĝa) en Berlino
Tombo	Urnenfriedhof Gerichtstraße vd
Lingvoj	germana vd
Ŝtataneco	Germanio vd
Alma mater	Frederiko-Vilhelmo-Universitato en Berlino • Humboldt-Universitato en Berlino • Universitato de Hajdelbergo vd
Partio	Germana Demokratia Partio • Free-minded Union vd
Familio
Infanoj	Ernst Preuß vd
Profesio
Okupo	politikisto • juristo • pedagogo • universitata instruisto • aŭtoro vd
Laborkampo	politiko • juro vd
Aktiva en	Berlino vd
Postenoj Postenoj Member of Landtag of Prussia • Reichsminister des Innern vd
vd	Fonto: Vikidatumoj

Politika vivo

Preuß estas ofte konsiderata kiel patro de la germana konstitucio de la Vajmara Respubliko (1919). Tamen li ne havis laŭvorte demokratian planon. Ekzemple li forte kontraŭis la ordonon de la Triopa Entento venkinta en la Unua Mondmilito, ke la germanlingva parto de la Aŭstra imperio ne apartenu al la germana ŝtato, kiel postulis la principo de la mem-determino de la popoloj formulita de la usona prezidento Woodrow Wilson. Preuß estis ŝtata sekretario pri internaj aferoj dum la perrevolucie skuata kabineto de 1918 kaj 1919. Liaj ideoj pri la konstitucio estis influataj de la franca socia sciencisto Robert Redslob. En 1919 li iĝis ministro pri internaj aferoj.

Pro la juda deveno de Hugo Preuß la naziisma partio NSDAP uzis tiun originon kiel atakon kontraŭ la Vajmara Respubliko dirante, ke ĝi estis estrita de judo, kiu estis devene “ne-germana”. Preuß estas menciita nome en la propaganda filmo de la nazioj el la jaro 1940 nomata Der ewige Jude (esperante La eterna judo), kiu estis produktita de Fritz Hippler.

Vidu ankaŭ

• Traktato de Versajlo