ISO 3166-2:AQ

La ISO-kodo por la Antarkto konsistas ekskluzive el la ISO-kodo AQ por la Antarkta kontinento kaj ĉiuj teritorioj sude de la 60-a suda latitudo. Ne ekzistas pliaj subkodoj.

ISO 3166-2:AQ
Antarkto
Kodoj laŭ la normo ISO 3166-1
Dulitera kodo	AQ
Trilitera kodo	ATA
Cifera kodo	010

Kvankam iuj partoj de la kontinento estas atribuataj al iuj naciaj ŝtatoj (vidu sube), la kontinento laŭ la Antarkta traktato de 1959 estas "tereno libera de nukleaj armiloj" kaj principe konsideratas posedaĵo de la tuta homaro. Tial la terenopostuloj de iuj ŝtatoj (kiuj ne estas interkonsentitaj, do parte la samaj teritorioj estas postulataj de pluraj ŝtatoj) ne rajtigas nomi tiujn terenojn parto de la koncerna ŝtato aŭ ISO-kodigi tiujn terenojn tiel - la kodo AQ do estas "supernacia".

La aktuala landokodo ekde la unua publikigo en la jaro 1998 ne estis ŝanĝita.

Terenopostuloj

Antarkto, geografio, terenpostuloj kaj esplorejoj

Kvankam la antarkta traktato malpermesas terenpostulojn en la Antarkto, ili tamen ekzistas, sed estis per valido de la traktato "frostigitaj". Aliaj terenpostuloj ne estas permesitaj laŭ la kontraktaro. Tiel la antarkta traktato ne finsolvis la politikajn postulojn.

Antarkto estis neniam vere koloniita kaj ne havas centran registaron. Iuj ŝtatoj postulas terenojn en Antarkto (listigitaj kun longitudoj):

•  Argentino (25°U ĝis 74°U, anoncita en 1943, parte postulita ankaŭ de Britio, Ĉilio kaj Brazilo) kiel parto de la provinco Fajrolando
•  Aŭstralio (160°E ĝis 142°E kaj 136°E ĝis 45°E, 1933)
•  Brazilo (28°U ĝis 53°U, 1986, parte postulita ankaŭ de Argentino kaj Britio)
•  Ĉilio (53°U ĝis 90°U, 1924, parte postulita ankaŭ de Argentino kaj Britio)
•  Francio (142°E ĝis 136°E, 1924, parto de la Francaj Sudaj kaj Antarktaj Teritorioj)
•  Nov-Zelando (150°U ĝis 160°E, 1923)
•  Norvegio (45°E ĝis 20°U, 1938)
•  Britio (20°U ĝis 80°U, 1908, parte postulita ankaŭ de Argentino, Brazilo kaj Ĉilio)

Nuntempe ne ekzistas aliaj postuloj, sed Usono, Rusio kaj iaj aliaj ŝtatoj rezervas la rajton pri iama postulo.

Vidu ankaŭ

• ISO 3166-2, tabelo de la ISO-landokodoj
• .aq