Inicialoj dc

Inicialoj dc aŭ i.d.c. (inicialoj dc/initials dc) estas muzikprojekto fondita de Éric Languillat en 2003 kaj bazita en Frankfurto-ĉe-Majno (Germanio). Nutrata per alternativa popo kaj moderna elektronika muziko, inicialoj dc miksas tiujn influojn en sian buntan melankolian elektropopmuzikon, en kiu akustikaj gitaroj dancas kun spicaj drummaŝinoj kaj prasinteziloj el alia jarcento.

inicialoj dc
Deveno	Francio
Ĝenroj	elektropopo
Eldoninto	Vinilkosmo
Retejo	initialsdc.bandcamp.com

Post la unuaj koncertoj en 2003, pere de nuraj minidiskludilo, elektra gitaro, kaj memproduktita albumo (Popcorn for Diane, en la franca kaj la angla), la projekto rapide evoluis dank’ al sinkronizitaj videofilmoj kiuj estas koncerte projekciataj kun ĉiu kanto. Samtempe komencis aperi kantoj en Esperanto, kaj la koncertoj de Inicialoj dc fariĝis regulaj programeroj de Esperanto-aranĝoj.

Daŭre de la aktivaĵoj, kaj en loka arta sceno kaj en la Esperanto-komunumo, du albumetoj sekvis en 2007 (OK kaj 16), kaj la albumo Propaganda en 2009, en kiuj Esperanto jam ludas gravan rolon. Same, la prezento en la reto de pluraj videaĵoj enradikigis Inicialoj dc kiel muzikvidean artan projekton.

La albumo Urbano estis la unua tutesperanta albumo de Inicialoj dc, kaj estas mejlŝtono en la evoluo de tiu originala projekto.

Diskaro

Muzikvideo: La fina venk'

• 2007 - OK
  1. Kurso de Esperanto
  2. George Michael
  3. Ordonas ni
  4. TTY
  5. Hejmen

• 2009 - Propaganda

• 2010 - Urbano
  1. Printempo
  2. La majstro de ŝak’
  3. La dimanĉaj fotoj
  4. Furora danc’
  5. La kontraŭsenco
  6. Ĉie virinoj
  7. Ekstertera dolĉaĵ’
  8. Tatua papili’
  9. La pigra viv’
  10. Se via mano estus paraŝut’...
  11. La prembutono
  12. Pufmaizo
  13. Outrun

• 2012 - Signoj de viv'
  1. La Malpeza Dormo
  2. Nek ĝojo nek pen’
  3. La Grizeco
  4. Ni en milionoj
  5. Ŝia Ridet’
  6. Alia Temo
  7. La Fina Venk’
  8. Rendevuo
  9. La Monvampiro
  10. Amiko sen vizaĝ’
  11. Signoj de viv’

• 2017 - La Granda Aventuro
  1. Li revenas
  2. Nokta Stirado
  3. Las Vegas
  4. Mistera Paro
  5. Dank’ al Kate
  6. Felisedo de nokto
  7. Tempomaŝino
  8. La Vivo nigrablanka
  9. Perfekta Ferio
  10. Ĝis la pluv’

• 2021 - Fulmerford
  1. Konektitaj knaboj
  2. Urba naturo
  3. Via beleco malŝparita
  4. Trans la tim'
  5. Bona persono
  6. La forgesita aŭtoro
  7. 2063
  8. La jaro de la viruso
  9. Sekreta flam'
  10. Eta kosmonaŭto
  11. Mi volas pli

Eksteraj ligiloj

• Retejo ĉe Bandcamp kun ĉiuj albumoj aŭskulteblaj kaj aĉeteblaj
• Inicialoj dc ĉe Twitter
• i.d.c ĉe YouTube