Jaume Grau Casas
Jaume GRAU CASAS [ĵaŭme graŭ kazes] (naskiĝis je la 2-a de decembro 1896 en Barcelono kaj mortis je la 8-a de novembro 1950 en Valencio) estis kataluna poeto en Esperanto. Li estas konsiderata la precipa Esperanto-poeto el Katalunio. Li estas frato de Josep Grau Casas.
| Jaume Grau Casas | |
|---|---|
| |
| Persona informo | |
| Naskiĝo | 2-an de decembro 1896 en Barcelono |
| Morto | 8-an de novembro 1950 (53-jaraĝa) en Valencio |
| Lingvoj | kataluna • Esperanto • hispana |
| Ŝtataneco | Hispanio |
| Familio | |
| Frat(in)o | Josep Grau Casas |
| Okupo | |
| Okupo | esperantisto • verkisto |
Vivo redakti
Esperantisto de 1914, li estis redaktoro de Kataluna Esperantisto inter 1920 kaj 1924, kaj longe aktivis kiel prezidanto aŭ sekretario de la Internaciaj Floraj Ludoj, kies Natura Floro (ĉefa premio) li gajnis en 1919 kaj 1936. Membro de la Lingva Komitato ekde 1926 kaj vicprezidanto de la Akademio de Esperanto. Li estis enkarcerigita pro sia katalunismo post la okazaĵoj de la 6a de oktobro 1934 kaj denove en 1938, dum konfliktoj en la respublika flanko dum la hispana enlanda milito. Post la fino de la milito li ekziliĝis al Francio, kie li pasigis kvin jarojn en diversaj koncentrejoj. Dum liaj periodoj en malliberejoj kaj koncentrejoj li skribis diversajn artikolojn, kelkajn el kiuj aperis en la tiama gazetaro. En la lastaj jaroj li okupiĝis pri la redaktado de hispana antologio (kiu perdiĝis) kaj pri ortografia reformo de Esperanto, celanta forigi la supersignojn. En 2008 lian personan arkivon transprenis Kataluna Esperanto-Asocio.
En 2017 estis publikigita en esperanto Tagoj kaj Ruinoj, preskaŭ 600-paĝa taglibro pri sia vivo en la francaj koncentrejoj, beletre verkita. Ĝin tradukis Miguel Fernández.
Listo de verkoj redakti
Poemaroj en Esperanto redakti
- Amaj Poemoj, 1924
- Novaj Amaj Poemoj, 1927
- La Lasta Poemo, 1936
Poemaroj en la kataluna redakti
- Somni d'uns dies de juny, 1936
Poemaroj en la hispana redakti
- El suplicio de tántalo, 1937
Tradukoj redakti
- Kataluna Antologio, 1925 (redaktoro kaj precipa tradukinto)
- La Kataluna Popolkanto, 1925 (kun Joan Amades)
- Barbaraj Prozaĵoj, 1926 traduko de Prudenci Bertrana,
- Tagoj kaj ruinoj, 2017, tradukis kaj komentis Miguel Fernández
Lernolibroj redakti
- Llengua auxiliar internacional esperanto Primer Manual, 1930
- Curs complet de la llengua internacional [Gramatiko, ekzercaro kaj vortaro], 1934
Taglibro redakti
Eksteraj ligiloj redakti
- Enciklopedio de Esperanto/G en sia originala formo en la Interreto
- Enciklopedio de Esperanto en elŝutebla versio (PDF)
- Pri Tagoj kaj Ruinoj
- En la francaj koncentrejoj. Militrakonto, 17/02/2019
