Josef Šnejdárek
Josef Šnejdárek (n. 2-a de aprilo 1875, Napajedla – m. 13-an de majo 1945, Casablanca), estis ĉeĥa armea oficiro, partopreninto de la unua mondmilito, septaga milito je Teŝinio kaj bataloj en Slovakio kontraŭ Hungara Sovetrespubliko
| Josef Šnejdárek | |
.jpg) Generalo Josef Šnejdárek | |
| Naskiĝo | 2-an de aprilo 1875 en Napajedla, Moravio .svg){kind=small} Aŭstrio-Hungario
|
|---|---|
| Morto | 13-an de majo 1945, en Casablanca  Maroko
|
| Soldata kariero | |
| Rango: | armea generalo |
| Deĵoris en: | aŭstria-hungara armeo, ĉeĥoslovakaj legioj |
| Militoj: | unua mondmilito, septaga milito |
| Bataloj: | hungara-ĉeĥoslovaka milito |
| |
| Persona informo | |
| Tombo | cemetery in Napajedla |
| Lingvoj | franca |
| Ŝtataneco | Ĉeĥoslovakio • Francio • Aŭstrio-Hungario |
Memorigilo 
| |
| Okupo | |
| Okupo | militisto • memuaristo |
La junaĝo, legioj kaj Granda milito redakti
Šnejdárek naskiĝis en familio de muelisto. Fininte kadetan lernejon li enpaŝis en aŭstria-hungara armeo. Li deĵoris en Budapeŝto kaj en Innsbruck. El la austria-hungara armeo li foriris kaj enpaŝis en francan fremdulan legion, en kies vicoj li partoprenis en bataloj en norda Afriko.
En la unua mondmilito Šnejdárek batalis en okcidenta fronto, li estis kelkfoje vundita kaj honorigita. Li agadis en ĉeĥoslovakaj legioj en Francio.
Ĉeĥoslovakio redakti
En la jaro 1919 Šnejdárek (kiel franca civitano) revenis en Ĉeĥoslovakion. Li fariĝis komandanto de la ĉeĥoslovakaj soldataroj operacantaj en Teŝinio kaj gvidis la ĉeĥoslovakan armeon en Septaga milito kontraŭ Pollando.
La 15-an de majo 1920 du anoj de pola soldata organizaĵo Polska Organizacja Wojskowa el ordono de ties gvidantaro provis murdi Šnejdárek-on. Šnejdárek tiutempe loĝis en Orlová, en loĝejo de sia amiko direktoro de ŝparejo Mezera. La atenco ne sukcesis - bombo onidire lokigita sub lito de Šbejdárek ja eksplodis, sed difektita estis sole la domo.[1]
Poste li fariĝis komandanto de divizio en bataloj kontraŭ Hungara Sovetrespubliko en Slovakio, kie li venkis en batalo je Zvolen kaj liaj soldataroj iom post iom konkeris parton de la eksa Hungara reĝlando. Tamen nur en la jaro 1927 Šnejdárek formale foriris el la franca armeo kaj enpaŝis en la ĉeĥoslovakan armeon.
En la ĉeĥoslovaka armeo Šnejdárek estis nomita armea generalo kaj landa soldatata komandanto en Slovakio. En la jaro 1932 li igis ordonon al fortikigo de bratislava Petržalka per betonaj fuortoj. Ĉi tie ankaŭ elkreskis 9 objektoj. En duono de la 30-aj jaroj li estis emeritigita.
Fino de la vivo redakti
En la jaro 1939 Šnejdárek foriris ĝis Francio. Post konkero de Francio li foriris en nordan Afrikon, kie li ankaŭ mortis. Liaj korprestaĵoj estis en la jaro 1996 transportitaj el Casablanca en familian tombon en Napajedla.
En la jaro 1939 li publikis sian aŭtobiografion nomita Kion mi travivis. Tiu estis reeldonita en la jaro 1994 sub nomo Marŝu aŭ mortu!
Referencoj redakti
- ↑ GAWRECKI, Dan. Studie o Těšínsku 15. Politické a národnostní poměry v Těšínském Slezsku 1918-1938. Český Těšín : Muzeum Těšínska, 1999. p. 57.
Literaturo redakti
- FIDLER, Jiří. Generálové legionáři. Brno : Books, 1999. 360 s. ISBN 80-7242-043-7
Eksteraj fontoj redakti
- Příloha Zvolenských novín věnovaná Josefu Šnejdárkovi Arkivigite je 2009-12-10 per la retarkivo Wayback Machine