Kaŝgaja lingvo
La kaŝgaja lingvo (propra nomo Qaşqay dili, Qaşqaycə aŭ Qaşqay Türki ["kaŝgaja turka"]) estas lingvo el la tjurka lingvaro, en Irano parolata de proksimume 923,000 da homoj. Alternativaj literumoj de la lingvo estas interalie Qashqa'i, angle Khashkhay aŭ turke Kaşkay Türkçesi.
| kaŝgaja | |
| natura lingvo • moderna lingvo | |
|---|---|
| Southern Oghuz | |
| Parolata en | Irano |
| Parolantoj | 995 000 |
| Denaskaj parolantoj | 923,000[1] |
| Skribo | araba alfabeto |
| Lingvistika klasifiko | |
| |
| Lingvaj kodoj | |
| Lingvaj kodoj | |
| ISO 639-2 | tut |
| ISO 639-3 | qxq |
| Glottolog | qash1240 |
| Angla nomo | Qashqai |
| Franca nomo | kachkaï |
La kaŝgaja apartenas al la "suda" grupo de la (oguza grupo de la) tjurka lingvaro, kaj parencas kun la lingvoj ajnalua kaj afŝara (la retejo ethnologue.com" erare listigas la lingvon en la "okcidenta" grupo).
Parolantoj kaj areo de disvastiĝo redakti
La parolantoj de la lingvo estas la anoj de la etno de kaŝgajoj en suda Irano. Dum la irana ŝtata censo de 1982 200.000 homoj indikis la kaŝgajan kiel gepatran lingvon. Laŭ taksoj el la jaro 2014 oni estimas la nombron de parolantoj de la kaŝgaja je 923,000 da homoj [2]. La lingvanoj tradicie estas nomadoj kaj dum siaj migradoj pasas la sudon de Irano, kaj aparte la provincon Fars (la sudan parton dum vintro, la nordan dum somero).
La kaŝgajoj kutime estas dulingvaj kaj krom la kaŝgaja plejparte regas ankaŭ la persan.
Alfabeto redakti
La kaŝgaja oficiale konsideriĝas kiel senskriba, kvankam troveblas fragmentaj dokumentoj en la lingvo. Tiuj de ĉiam skribiĝis en la araba alfabeto kun la kvar aldonaj signoj de la persa lingvo.
Referenco redakti
Vikipedia projektaro redakti
