Kavalo (greke Καβάλα respektive Νομός Καβάλας - Nomós Kavalas) ĝis administra reformo efektivigita komence de 2011 estis unu el la 51 grekaj provincoj ("prefektujoj", kiuj greke nomiĝas Νομός, do "nomos"). Ĝi kovras areon de 2 111 km² kaj dum la jaro 2005 havis 147 884 loĝantojn. Ĉefa loĝloko estas la samnoma urbo Kavalo. La teritorio apartenas al la administra regiono ("periferio") Orienta Makedonio kaj Trakio. Al la provinco apartenas la insulo Tasos en la Egea Maro. La plej alta monto de la provinco estas la Pangaion kun alteco de 1 957 metroj en la okcidento de la provinco, kaj la dua plej alta monto apartenas al la montaro Ipsario sur la insulo Tasos.
Eksteraj ligiloj
redakti
Vikimedia Komunejo: Kavala Prefecture [+]
