Kaviaro
Kaviaro estas frandaĵo, farita el salita frajo de sturgo aŭ similaj fiŝoj (huzo), kiu nomiĝas nigra kaviaro, aŭ el salmo aŭ similaj fiŝoj, kiu nomiĝas ruĝa kaviaro. En iuj landoj oni nomas "kaviaro" nur nigran kaviaron.
La vorto "kaviaro" devenis (laŭ unu el la etimologiaj versioj) de la persa vorto خاویار [ĥagavár], kiu signifas produktas frajon. La vorto en la persa estas uzata por priskribi la sturgon mem kaj ĝian produkton, la frajon, el kiuj estas farita kaviaro. En la rusa lingvo oni uzas la vorton ikra ("икра"), kiu estas uzata por nomi kaj frajon kaj kaviaron.
Kaviaro estas vendata komerce tra la mondo kiel delicaĵo kaj manĝata kiel garnaĵo por plado aŭ kiel apetitigaĵo, ofte kun vodko, ĉampano aŭ alia ŝaŭmvino, acidkremo kaj blinoj.
Servado redakti
Estas kutime servi kaviaron al la tablo en malgranda ujo metita en pli grandan ujon plenan de glacio.
Por kaviaro oni uzas lignajn, orajn, fajencajn aŭ plastajn manĝilojn, sed ne arĝentajn aŭ ŝtalajn, ĉar ĉi tiuj povas damaĝi ĝian guston kaj koloron. Precipe taŭgaj estas perlamotaj kaviaraj kuleretoj, kiuj kutime estas faritaj el ostroj.
