Kolumkorvo
La Kolumkorvo (Corvus torquatus), konata ankaŭ kiel Ringkola korvo aŭ Blankkola korvo, estas birdospecio de la familio de korvedoj kaj el la tipa genro Corvus el la ordo de paserinoj, kiu estas indiĝena de Ĉinio.
 | ||||||||||||||
|---|---|---|---|---|---|---|---|---|---|---|---|---|---|---|
 Kolumkorvo
| ||||||||||||||
| Biologia klasado | ||||||||||||||
| ||||||||||||||
| Corvus torquatus (Lesson, 1830) | ||||||||||||||
| Konserva statuso | ||||||||||||||
 | ||||||||||||||
Aliaj Vikimediaj projektoj
| ||||||||||||||
Aspekto redakti
Ĝi estas ĉirkaŭ samgranda aŭ iomete pli granda (52-55 cm longa) kiom la Nigra korniko (C. corone), kun proporcie pli longaj flugiloj, vosto kaj beko. Temas pri brila kaj bela birdo, kiu havas brilnigran plumaron escepte ĉe malantaŭa kolo, supra dorso kaj larĝa strio ĉirkaŭ la malsupra brusto kio estas blankecaj. La beko, gamboj kaj piedoj estas nigraj.
Ĝi ofte flugas havante siajn piedojn pendite sube laŭ karaktera senĝena stilo.
La voĉo estas laŭta "kaaar" ripetita kelkajn fojojn kun aliaj etaj variadoj laŭ la okazo. Kiel aliaj multaj korvedoj, krias strangajn klaksonojn dum kapinklino kiel saluto al alia birdo.
Distribuado kaj ekologio redakti
La teritorio de tiu specio estas ĉefe Ĉinio, kovrante grandajn areojn de la lando kvankam ne multe pli norde ol Pekino. Ĝi loĝas en ebenaĵoj kaj malaltaj rivervaloj en tre malferma kamparo kaj kultivejaj regionoj kaj estas komuna en rizkampoj. Ĝi kutime evitas grandajn urbojn kaj estas ĉefe rura specio.
Manĝojn ĝi trovas ĉefe surgrunde kie oni prenas ampleksan gamon de eroj, kiel insektoj, moluskoj kaj aliaj senvertebruloj (eĉ el malprofunda akvo), greno, ĉefe rizo kaj ĝi serĉas ankaŭ inter homaj restaĵoj. Ĝi ŝajne prenas malpli da kadavraĵo ol aliaj specioj, sed se estas tiu oportuno tion faras kaj prenas ankaŭ ovojn kaj birdidojn.
La nesto estas kutime en arbo kaj estas kovrita el koto. La ino demetas kutime 3-4 ovojn.
Ĝi estis iam klasita kiel Specio Malplej Zorgiga de la IUCN[1]. Sed novaj priserĉado montris, ke estas pli rara ol oni supozis. Sekve, ĝi estis listita kiel Preskaŭ Minacata en 2008[2].
Notoj redakti
Referencoj redakti
- BirdLife International (BLI) (2004). Corvus torquatus. Internacia Ruĝa Listo de Endanĝeritaj Specioj, eldono de 2006. IUCN 2006. Elŝutita 12a Majo 2006.
- BirdLife International (BLI) (2008): 2008 Statusŝnaĝo en la IUCN Ruĝa listo Arkivigite je 2008-09-14 per la retarkivo Wayback Machine. Konsultita en 2008-Majo-23.
Eksteraj ligiloj redakti
- Kolumkorvo kun fiŝo Arkivigite je 2015-09-24 per la retarkivo Wayback Machine
- Diferencaj bildoj de birdo Arkivigite je 2015-09-24 per la retarkivo Wayback Machine
- Profilo Arkivigite je 2015-09-24 per la retarkivo Wayback Machine
