Lindi

Lindi
urbo
Administrado
Lando	Tanzanio
Demografio
Loĝantaro	41 549 (2002) [+]
Geografio
Geografia situo	10° 0′ S, 39° 43′ O (mapo)-9.996944444444439.714444444444Koordinatoj: 10° 0′ S, 39° 43′ O (mapo) [+]
Horzono	UTC+03:00 [+]
	Lindi (Tanzanio) Lindi
	Situo de Lindi
Alia projekto
	Vikimedia Komunejo Lindi [+]
	v • d • r

Por samtitola artikolo vidu la paĝon Regiono Lindi.

Lindi estas urbo en Tanzanio, ĉefurbo de regiono Lindi. Ĝi konsistigas la distrikton Lindi Urba (svahile Lindi Mjini). Laŭ la censo de 2002 ĝi havis 41.549 loĝantojn.

Lindi situas ĉe la bordo de Hinda Oceano, ĉe la fino de rivero Lukuledi. Ĝiaj koordinatoj estas 10° 0′ S 39° 41′ O / 10.000 °S, 39.683 °O / -10.000; 39.683 (mapo). Ĝi havas malgrandan havenon, kiu akceptas nur unu aŭ du malgrandajn ŝipojn samtempe kaj ne sufiĉas por trans-oceanaj ŝipoj. La laŭborda ŝoseo tanzania ligas ĝin al Mtwara en la sudo (kun pli grava haveno) kaj al Kibiti kaj Daresalamo en la nordo (350 km).

Islamo estas la superrega religio en Lindi. La komercistoj estas precipe araboj kaj hindoj; la lokanoj okupiĝas pri fiŝkaptado kaj agrokulturo. La ĉirkaŭa regiono estas inter la malplej loĝataj de la lando.

Lindi posedas malgrandan flughavenon (IATA-kodo "LDI"). La voja reto estas malfacile uzebla en la pluva sezono de novembro al majo. La jara pluvokvanto estas ĉ. 1.000 mm.

Vidu ankaŭ redakti

Aliaj lokoj kun la nomo Lindi

Eksteraj ligiloj redakti

Pri la haveno Arkivigite je 2006-10-30 per la retarkivo Wayback Machine
Censa statistiko