Llibert Puig i Gandia
Llibert Puig i Gandia (Sabadell, 1933 - Sabadell, 2018)[1] estis kataluna Esperanto-aktivulo. Li estis la patro de Òscar Puig i Cánovas. Lerninta Esperanton en la unua postmilita kurso en sia naskiĝ-urbo, li tuj fariĝis estrarano de la nov-fondita Centro de Esperanto Sabadell, kies prezidanto kaj bulten-redaktoro li poste fariĝis dum jardekoj. Li kunfondis ankaŭ Teatran Junularan Grupon kaj tradukis por ĝi.
| Llibert Puig i Gandia | |
|---|---|
| |
| Persona informo | |
| Naskiĝo | 31-an de decembro 1933 en Sabadell |
| Morto | 7-an de aprilo 2018 (84-jaraĝa) en Sabadell |
| Tombo | Sabadell |
| Lingvoj | Esperanto • hispana |
| Ŝtataneco | Hispanio |
| Familio | |
| Infano | Òscar Puig i Cánovas |
| Okupo | |
| Okupo | esperantisto |
Relanĉinto de la kataluna Esperanto-movado, li organizadis la jarajn esperanto-renkontiĝojn (vd. Barcelon-Provinca Esperantista Renkontiĝo kaj Kataluna Esperantista Renkontiĝo) kaj prezidis la Kunordigan Servon de Hispana Esperanto-Federacio en Katalunio. En 1980 li kunfondis Katalunan Esperanto-Asocion kaj en diversaj periodoj fariĝis ties prezidanto, sekretario, kasisto aŭ redaktoro de la asocia organo, Kataluna Esperantisto.
Referencoj redakti
- ↑ "Forpaso. Llibert Puig i Gandia (31.12.1933 – 07.04.2018)". 1324(5) Majo 2018 Esperanto p. 118.