Luko Gaŭriko

Postenoj
Postenoj	dioceza episkopo vd

Luko Gaŭriko
(1475-1558)
Luko Gaŭriko; (1475-1558)
	itala humanisto
Persona informo
Naskiĝo	12-a de marto 1475; en Montecorvino Rovella, apud Napolo, Italio
Morto	6-a de marto 1558; en Romo, Italio
Religio	katolika eklezio vd
Lingvoj	latina vd
Alma mater	Universitato de Ferrara ; Universitato de Padovo ; Universitato de Bolonjo
Profesio
Okupo	astrologo • matematikisto • katolika episkopo vd
Postenoj
Postenoj	dioceza episkopo vd
vd	Fonto: Vikidatumoj
	v • d • r

Luca Gaurico (1475-1558) estis itala humanisto, matematikisto, episkopo kaj astrologo. Li estis frato de la humanisto Pompono Gaŭriko (1482-1530) kaj tradukis en la italan la verkon Almagesto^[1] de Klaŭdo Ptolemeo (87-150), bazitan sur eldono de Georgo de Trebizondo (1395-1486); korektis la Alfonsajn tabelojn kaj rimarkindiĝis dank'al unu konkretiĝinta profetado apud la papo Paŭlo la 3-a (1468-1549), kiu nomumis lin episkopon de Civitate, en Kapitanata^[2] (1545).

Biografio redakti

Kune kun sia frato, ili estis lernantoj de Pietro Pomponazzi (1462-1525) en la Universitato de Padovo ĉirkaŭ 1500. En 1503, li instruis astrologion en la Universitato de Padovo kaj en 1506, en la Universitato de Bolonjo. Tamen en Bolonjo li estis publike skurĝita kaj arestita dum 25 tagoj ĉar li antaŭvidis la morton de Giovanni la 2-a Bentivoglio (1443-1508). Li estas liberigita dank'al la klopodoj de Cristoforo Madruco (1512-1578), estonta episkopo de Trento kaj Brescia. Inter 1507-1508 li instruis matematikon kaj astrologion en Ferrara. Inter 1529 kaj 1532 li antaŭvidis la elektiĝon de Aleksandro Farneze al papeco, kaj li transloĝiĝis al Romo post kiam la kardinalo fariĝis Paŭlo la 3-a. Paŭlo la 3-a igis lin sia tabloakompananto kaj nomumis lin kavaliro.

En 1539 aŭ iom poste Gaŭriko fariĝis episkopo de Giffoni kaj en la 14-a de decembro 1545, episkopo de Civitate, en la Kapitanata. Post la morto de la papo, li rezignis la episkopecon kaj revenis al Venecio. En 1552, li lasis Venecion ĉar li rifuzis pardonpeti pro kelkaj kalumniaj deklaroj kiujn li faris kontraŭ la urbo, kaj foriris al Bolonjo kaj en 1556 li estis en Romo.