Malhelpaĵo de realpreno

Malhelpaĵo de realpreno estas droga tipo, konata kiel realprena variigaĵo, kiu malhelpas la ĉelmembranan transportilo-mediaciatan realprenon de nervotransigilo el la sinapso en la antaŭsinapsan neŭronon. Tio kondukas al eksterĉela plikoncentrigo de la nervotransigilo kaj pliigo de nervotransigado. Diversaj drogoj faras siajn psikologiajn kaj fiziologiajn efikojn per realprena malhelpo, inkludante multajn kontraŭdeprimaĵojn kaj psikostimulaĵojn.

Eskitalopramo, selektiva malhelpaĵo de realpreno de serotonino, uzata kiel kontraŭdeprimaĵo.

Plej multaj konataj malhelpaĵoj de realpreno efikas al la unuaminaj nervotransigiloj serotonino, noradrenalino (kaj adrenalino) kaj dopamino. Tamen, ekzistas ankaŭ pluraj kuraciloj kaj esploraj kemiaĵoj, kiuj agas kiel malhelpiloj de la realpreno de aliaj nervotransigiloj, kiaj glutamata acido, gamo-amina butirata acido (GABA), glicino, adenozino, kolino (la prekursoro de acetilkolino) kaj la endokanabinoidoj, inter aliaj.

Fonto

En tiu ĉi artikolo estas uzita traduko de teksto el la artikolo Reuptake inhibitor en la angla Vikipedio.