Markolo de Brest
La markolo de Brest estas marbrako, kiu ligas la rodon de Brest al Atlantiko.
Longa je 3 000 m kaj larĝa je nur 1 500 m, ĝi situas inter la pinto Petit Minou kaj la pinto Portzic norde, kaj insuleto Capucins kaj la pinto de la hispanoj sude.
Laŭ la tajdoŝanĝoj, la oceano plenigas kaj malplenigas la rodon de Brest per torentoj, kiuj povas rapidi je 4 ĝis 5 knotoj[1]. Tiel la natura haltejo por la velŝipoj estas la golfeto de Camaret-sur-Mer, por atendi plifavoran fluon por trapasi ĝin. Ankaŭ la trenŝipo Abelo Bourbon bazita en Brest posteniĝas en tiu golfeto de Camaret okaze de ŝtormoj por pli rapide helpi la endanĝerajn ŝipojn.
Milita situacio redakti
La markolo de Brest estas la sola mara alirvojo al la rodo de Brest, kiu proponas idealan ŝirmejon por militŝiparo (kiel tiuj de Lorient, Toulon aŭ Cherbourg). Tial en tiu loko por ŝirmi la urbon Brest, ties havenon kaj ties militŝiparon, koncentriĝis multaj militaj konstruaĵoj.
Plie, ĝia natura strukturo faciligis la taskon de la defendantoj, ĉar la markolo enhavas en sia akso spinon konsistigitan per la roko de Mengant, kiu devigas la ŝipojn laŭiri la nordan bordon aŭ la sudan[1].
Tiel, de multaj jarcentoj, la markolo de Brest ĉiam estis tre gardita areo, kiel atestas la multaj furotoj kaj militaj konstruaĵoj, kiuj borderas ĝin.
- Areo de Brest
- La fuorto Bertheaume
- La fuorto Toulbroc'h
- La fuorto Petit Minou
- La fuorto Mengant aŭ fuorto de Léon
- La fuorto Dellec
- La fuorto Portzic
- Areo de la duoninsulo de Roscanvel
- La fuorto de insulo Capucins
- La fuorto Fraternité
- Insulo Diabla
- Fortikigitaj linioj de Quélern
- Baterioj de Kerviniou
- Baterioj de Tremet
- La fuorto de la pinto de la hispanoj
- Pulvejoj de insulo de la Mortintoj
- Baterio de Cornouaille
- Areo de Camaret-sur-Mer
- Baterioj de Kerbonn
- Baterioj de Toulinguet
- Baterioj de la pinto Petit kaj Grand Gouin
- Turo Vauban
Notoj kaj referencoj redakti
Eksteraj ligiloj redakti
- La fortikigitaj konstruaĵoj en la markolo de Brest Arkivigite je 2023-01-25 per la retarkivo Wayback Machine
Koordinatoj: 48° 20′ 30″ N 4° 34′ 0″ U / 48.34167 °N, 4.56667 °U (mapo)