Martin Pollich
Martin POLLICH el Mellerstadt (1455-1513) estis germana filozofo, kuracisto, teologo kaj fondinto-rektoro de la Universitato de Wittenberg. Li estis privata kuracisto de Frederiko la 3-a (1463-1525), Duko de Saksio, kaj de Marteno Lutero[1], profesoro pri teologio, organizanto kaj unua rektoro de la Universitato de Wittenberg.
| Martin Pollich | ||
|---|---|---|
| ||
| Persona informo | ||
| Naskiĝo | 1-an de januaro 1455 en Mellrichstadt | |
| Morto | 27-an de decembro 1513 (58-jaraĝa) en Wittenberg | |
| Religio | katolika eklezio vd | |
| Lingvoj | germana vd | |
| Ŝtataneco | Germanio vd | |
| Profesio | ||
| Okupo | kuracisto • universitata instruisto vd | |
Filozofo 
| ||
| vd | Fonto: Vikidatumoj | |
Biografio redakti
En 1470 li enmatrikuliĝis en la Universitato de Lepsiko, kie, post du jaroj, li diplomiĝis kiel Bakalaŭro kaj en 1475, li ricevis siajn diplomojn pri Majstreco kaj doktoreco pri filozofio, krom studi astrologion kaj medicinon. En 1480, li diplomiĝis pri Medicino, probable en Majenco. En 1490, li fariĝis membro de la beletra societo kreita de Conrad Celtis (1459-1508), kie li faris kontaktojn kun pluraj tiamaj personoj, same kiel Lobkowicz von Hassenstein (1461-1510), kiu kromnomis lin "Lux mundi"[2]. Inter la 19-a de marto 1493 kaj la 30-a de oktobro, li akompanis Frederikon la 3-an (1463-1525) en pilgrimado al Jerusalemo, la sankta tero. En 1494, li vojaĝis al Nederlando, kie li vizitis la tieajn duagradajn lernejojn.
En la fino de la 15-a jarcento, la sifiliso estis ordinara malsano en Eŭropo. La tiamaj kuracistoj ne havis la konojn por traktado de la franca pesto aŭ la hispana influenco. En 1497, iu venecia kuracisto, Nikolao Leoniĉeno (1428-1524), publikigis verkon, kie li rompis kun la tradicia koncepto ke la planedaroj influis sur la homan sanon. Kiel solvo, li indikis plurajn raciajn manierojn pri atako al la malsanaro, kiujn Pollich ekuzis en siaj lecionoj. Simon Pistoris la maljuna (1453-1523), kiu estis lia kolego en sia epoko pri Medicino, reciprokis menciante kontraŭajn tezojn al tiuj de Leoniĉeno kaj Pollich. La debato longatempe etendiĝis. En 1500, Pollich diskutis kun sia eksa lernanto kaj profesoro pri Teologio, Konrad Wimpina (1465-1531), rilate al la graveco de la poezio sur la teologio. Tiuepoke, la teologio estis konsiderata la plej alta rango de la spirita vivo. La debato fariĝis pli akra kaj Wimpina denuncis Pollich-on kiel blasfemanton, kaj ĉi tiu rediris ke Wimpina estis "azeno kun du kruroj", malnobla, malŝatinda kaj mensoganto.
En 1502, Frederiko la 3-a fondis la Universitaton de Wittenberg, kaj Pollich estas invitita por fariĝi ties unua rektoro. Pollich zorge sin dediĉis por la organizado de la nova fakultato. Al la Fakultato pri Medicino li venigis Hermann von dem Busche (1468-1534) kaj Johannes Stüler (1460-1521), kaj al la Fakultato pri Teologio li venigis Hermann Kaiser[3]. Tiamaniere ke, Pollich estis kunfondinto kaj unua apoganto de la nova universitato. La alia apoganto estis Johann von Staupitz (1465-1524), rektoro de la Fakultato pri Teologio. Ankaŭ partoprenis en la fondo de la nova universitato Siegmund Epp[4], fondinto de la Fakultato pri Artoj kaj Wolfgang Strählin, rektoro kaj fondinto de la Fakultato pri Juro.
Pollich mortis en la 27-a de decembro 1513 kaj estis sepultita en la urba preĝejo de Wittenberg, kie Georgo Spalatino (1484-1545) dediĉis al li epitafon.
Selektita verkaro redakti
- Compendium XV propositionum introductoriarum in astrologiam cum totidem regulis ex astronomia comportatis, 1482
- Anathomia Mundini (ĉ. 1488 aŭ ĉ. 1493)
- Practica Lipsensis: mit Widmungsbrief an Friedrich III., Kurfürst von Sachsen, 1489
- Speculum medicinae: mit Gedicht an die Leipziger Studenten hrsg. von Martin Polich und Schlußgedicht "Hoc speculum exegi ... 1495
- De complexione quid est et quot sunt (ĉ. 1498)
- Defensio Leoniceniana (1498)
- Oratio congrua dicta secundum mentem et intentionem Alexandri: mit Gedicht von Martin Polich, 1498
- De complexione quid est et quot sunt, 1498
- Castigationes in alabandicas declarationes domini Simonis Pistoris: mit Vorrede an die Vorstände der Leipziger Universität und Gedicht an Nicolaus Leonicenus, 1500
- Laconisumus tumultuarius ... in defensionem poetices contra quendam theologum (Lepsiko, 1501)
- Responsio ad superadditos errores Simonis Pistorii de malo franco (1501)
- Responsio Martini Mellerstadt in supadditos errores Simonis pistoris in medicinina ad honore almi gymnasij lipcensis (1501)
- Poema natale oujusdam Flectorii principis Septentrionalis (1501)
- Confutatio conflatorum circa positionem quandam extraneam et puerilem doctoris Martini Mellerstadt de malefranco nup ventllatam ... Symon pistoris ..., 1501
- Laconismos tumultuarius Martini Mellerstad ad illustrissimos saxonie Pri[n]cipes i[n] defensione[m] poetices [con]tra quenda[m] Theologu[m] editus ...[rompita ligilo], 1502
- Martini Mellerstat polichii Theoremata aurora pro studioses philosophie & theologie inicaiatis Thomistis … Ex felici academia Albiorensi. (1503)
- Martinus Mellerstadt Polichi in Wimpinianas offensiones & denigrationes Sacre-Theologiae Wittenberg (1503)
- Responsio Martini Mellerstadt (i.e. Pollich) in superadditos errores S. Pistoris in medicina, 1843
- Practica oder Pro(g)nosticacio Astronomisch-astrologische Jahresvorhersagen
Literaturo redakti
- Allgemeine Deutsche Biographie
- Deutsche Biographie
- Personensuche
- WorldCat Identities
- Melchior Adam Arkivigite je 2013-04-05 per la retarkivo Wayback Machine
- History of the Reformation in Germany, Volume 1, Leopold von Ranke
- History of the Life, Writings, & Doctrines of Luther, Volume 1, Audin (Monsieur.)
- Economypoint Arkivigite je 2015-01-13 per la retarkivo Wayback Machine
- CERL Thesaurus
- Lutherjahrbuch 81. Jahrgang 2014: Organ der internationalen Lutherforschung, Christopher Spehr
- Viator: medieval and renaissance studies. (1987), Volume 18
- Luther and Late Medieval Thomism: A Study in Theological Anthropology, Denis Janz
- Itinerarium Italicum: The Profile of the Italian Renaissance in the Mirror ..., Paul Oskar Kristeller, Thomas Allan Brady, Heiko Augustinus Oberman
- White Magic, Black Magic in the European Renaissance, Paola Zambelli
- Johannes Sinapius (1505-1560): Hellenist and Physician in Germany and Italy, John L. Flood
- Institutions of Confinement: Hospitals, Asylums, and Prisons in Western ..., Norbert Finzsch, Robert Jütte
- Medicine Before Science: The Business of Medicine from the Middle Ages to ..., Roger Kenneth French
- Luther as an Educator, Gustav M. Bruce
- The Oxford Handbook of Martin Luther's Theology, Robert Kolb,Irene Dingel, L'ubomír Batka, Lubomir Batka
- Martin Luther: Confessor of the Faith, Robert Kolb
- The Cambridge Companion to Martin Luther, Donald K. McKim
- Martin Luther: learning for life, Marilyn J. Harran, 1997
Vidu ankaŭ redakti
.jpg)
Referencoj redakti
- ↑ Northern Europe: International Dictionary of Historic Places, Trudy Ring, Noelle Watson, Paul Schellinger
- ↑ Lumo de la mondo.
- ↑ Die Wittenberger Philosophische Fakultät 1502-1817, Heinz Kathe
- ↑ Masters of the Reformation: The Emergence of a New Intellectual Climate in ..., Heiko Augustinus Oberman
