Masdaro
Masdaro (arabe مصدر , esperante la fonto) estas konstruata urbo en Abudabio (la Unuiĝintaj Arabaj Emiratoj). Ĝin planas la brita arkitekta entrepreno Foster and Partners. La urbo uzos — laŭ la planoj — nur sunenergion kaj zero-karbonan, zero-ellasan, daŭrigeblajn teknologiojn. La urbo estas konstruata ĉ. 30 km oriente de la ĉefurbo Abu Dhabi, proksime al Abu Dhabi International Airport.
| Masdaro مدينة مصدر | |||
|---|---|---|---|
| setlejo | |||
| Administrado | |||
| Lando | Unuiĝintaj Arabaj Emiratoj | ||
| Ŝtato | Abudabio | ||
| Fondita | 2006 | ||
| Telefonkodo | +971 | ||
| Retpaĝaro | http://www.masdarcity.ae | ||
| Politiko | |||
| Urbestro | Ahmed Ali Al Sayegh | ||
| Demografio | |||
| Geografio | |||
| Koordinatoj | 24°25′45″N 54°37′6″O / 24.42917°N, 54.61833°O (mapo) Koordinatoj: 24°25′45″N 54°37′6″O / 24.42917°N, 54.61833°O (mapo) | ||
| Areo | 6 km² | ||
| Horzono | UTC +04 | ||
| |||
|
| |||
| Alia projekto | |||
 Vikimedia Komunejo Masdar City, Abu Dhabi [+]
| |||
La iniciato startis en 2006 kaj la efektivigo daŭras 10 jarojn. La efektivigon koordinas Abu Dhabi Future Energy Company (ADFEC) kaj prezidas ŝejko Mohammad bin Zayed Al Nahyan.
Oni planas la unuan fazon je 2009. La preta urbo kostos $22 miliardojn kaj servos por hejmo de ĉ. 50.000 personoj kaj 1.500 entreprenoj. La urbo kovros 6 km² kaj entenos universitaton Masdar Institute of Science and Technology.
Gravaj partneroj en la projekto estas Massachusetts Institute of Technology, General Electric, BP, Royal Dutch Shell, Mitsubishi, Rolls-Royce, Total S.A., Mitsui, Fiat kaj la germana sunenergia entrepreno Conergy, kiu planas sunenergian parkon kun povumo de 40 MW.