Nándor Dulánszky
Nándor Dulánszky [dulAnski], laŭ hungarlingve kutima nomordo kaj kun plena nomo Dulánszky Nándor Alajos estis hungara romkatolika pastro, kanoniko, episkopo, altlerneja instruisto. Lia nobela antaŭnomo estis doliánszki [doliAnski].
| Nándor Dulánszky | |
|---|---|
 Nándor Dulánszky | |
| Persona informo | |
| Naskiĝo | la 15-an de oktobro 1829 en  Esztergom (Hungara reĝlando)
|
| Morto | la 24-an de januaro 1896 en Pécs (Hungara reĝlando)
|
| Ŝtataneco | Hungario |
| Okupo | |
| Okupo | akademiulo • katolika sacerdoto • romkatolika diakono • katolika episkopo |
Nándor Dulánszky [1] naskiĝis la 15-an de oktobro 1829 en Esztergom, li mortis la 24-an de januaro 1896 en Pécs.
Biografio redakti
Nándor Dulánszky frekventis gimnazion en Buda, poste li lernis teologion en sia naskiĝurbo, pli poste li plulernis en Pozsony kaj Nagyszombat. Li finis la lernadon en Pázmáneum. Li pastriĝis en 1853 (laŭ alia fonto en 1855), poste li doktoriĝis en Universitato de Vieno. Hejmenveninta li estis mallonge pastro, poste seminaria inspektoro en Pest (urbo) kaj Esztergom. Inter 1862 kaj 1872 li ankaŭ instruis en Universitato de Pest, en tiu periodo li estis dekano trifoje, krome li kontribuis, eĉ redaktis katolikan gazeton. En 1872 li havis postenon en la ministerio. Liaj sekvaj ĉefaj postenoj kaj titoloj estis:
- kanoniko en Esztergom (1873)
- titulara abato en Sümeg kaj mebro de la supera ĉambro (1874)
- episkopo en Székesfehérvár (1875-1877)
- episkopo en Pécs (1877-1896).
En tiu lasta periodo Katedralo de Pécs renoviĝis, fondis muziklernejon kaj 5 inajn bazlernejojn, fine evoluigis la seminarion. Li ricevis 2 ordenojn kaj li ricevis la titolon vera interna sekreta konsilisto (1880). Li estas entombigita en Katedralo de Pécs.
Lia verko redakti
- Dogmaticá (latina studenta lernolibro, sen eldonjaro)