Nehemiah Grew
Nehemiah GREW (Warwickshire, 26a de Septembro 1641 - 25a de marto 1712) estis brita kuracisto kaj botanikisto. Kiel botanikisto, li estis specialisto en priplanta fiziologio kaj anatomio. Li estas konata kiel la "Patro de la Plantanatomio".
| Nehemiah Grew | |
|---|---|
| |
| Persona informo | |
| Naskiĝo | 26-an de septembro 1641 en Warwickshire |
| Morto | 25-an de marto 1712 (70-jaraĝa) en Londono |
| Lingvoj | latina |
| Ŝtataneco | Reĝlando de Granda Britio |
| Alma mater | Kolegio Pembroke • Universitato de Lejdeno |
| Okupo | |
| Okupo | botanikisto • kuracisto |
Kariero redakti
Li studis en Pembroke (Kembriĝo), gradiĝis en 16611 kaj dek jarojn poste li doktoriĝis en Medicino ĉe la Universitato de Leiden, per disertacio titolita Disputatio medico-physica de liquore nervoso. Li ekstudis kaj observis pri la anatomio de la plantoj en 1664. Helpita de la episkopo John Wilkins, li en 1670 prezentis al la Royal Society eseon titolitan The Anatomy of Vegetables begun, per kiu la venontan jaron li estis akceptita kiel membro de tiu socio.
En 1682 li publikigis sian plej gravan verkon, nome Anatomy of Plants, kiu grandparte estis kolekto de liaj iamaj verkoj. Ĝi estis dividita en kvar volumoj: nome Anatomy of Vegetables begun, Anatomy of Roots, Anatomy of Trunks kaj Anatomy of Leaves, Flowers, Fruits and Seeds, ilustrita per 82 bildoj akompanata de sep dokumentoj ĉefe pri kemio. La verko elstaras speciale pro siaj priskriboj pri la strukturo de la plantoj, krome ĝi identigas preskaŭ ĉiujn ŝlosilajn diferencojn ene de la morfologio de la tigo kaj de la radiko. Aliflanke, li pruvis, ke la floroj de Asteracoj estas formataj per multaj unuoj kaj kaj li deduktis ĝuste, ke la stamenoj estas masklaj organoj. Tiu verko enhavas ankaŭ la unuan mikroskopan priskribon de la poleno.
Granda parto de lia plinoviga laboro per mikroskopo estis samtempa de tiu de Marcello Malpighi, pro kio ambaŭ interŝanĝis espertojn. Tamen, la laboro de Grew pri poleno estis pli etenda ol tiu de Malpighi, kio rezultis en la malkovro ke, kvankam ĉiuj polenoj estas pli malpli bulformaj, la grando kaj la formo diferencas inter specioj, sed, la poleneroj de specio estas ĉiuj egalaj. Tiu malkovro estis ŝlosila por la kampo de la polenoscienco.[1]
Grew estis unu el unuaj fakuloj kiuj pridubis la apartenon de la vespertoj al la grupo de la birdoj, laŭ li vesperto estas besto inter mamulojs kaj birdoj; li estis ankaŭ unu el unuaj fakuloj kiuj proponis kolekton de ovoj de birdoj.
Oni konsideras lin unu de la pioniroj de la daktiloskopio, kaj la unua kiu studis kaj priskribis la krestojn, sulkojn kaj porojn de la surfaco de mano kaj piedo. En 1684 li publikigis desegnojn tre precizajn de la fingrospuroj.[2]
Karolo Lineo nomis la genron de arboj Grewia liahonore.
Kelkaj verkoj redakti
- The Anatomy of Vegetables begun, publicado en 1672.
- Idea of a Phytological History, 1673.
- Musaeum Regalis Societatis, 1681
- Seawater made Fresh , 1684.
- Nature and Use of the Salt contained in Epsom and such other Waters, 1697.
- Tractatus de salis, 1693.
- Cosmología Sacra, 1701.
Referencoj redakti
- ↑ Manten, A.A. (1967). 1-4. «Lennart von post and the foundation of modern palynology». Review of Palaeobotany and Palynology 1: 11-22. doi:10.1016/0034-6667(67)90105-4.
- ↑ Nehemiah Grew, "The description and use of the pores in the skin of the hands and feet," Philosophical Transactions of the Royal Society of London, vol. 14, pp. 566-567 (1684).
Literaturo redakti
- Chisholm, Hugh, ed. (1911). "Grew, Nehemiah". Encyclopædia Britannica (11a eld.). Cambridge University Press.
- Isely, Duane (2002). One Hundred and One Botanists. West Lafayette, Indiana: Purdue University Press. pp. 68–70. ISBN 978-1-55753-283-1. OCLC 947193619.
- Lee, H.C.; Gaensslen, R.E. (1991). Advances in fingerprint technology. CRC series in forensic and police science. CRC Press. p. 14. ISBN 978-0-8493-9513-0.
- Sakula, A (1984). "Doctor Nehemiah Grew (1641–1712) and the Epsom salts". Clio Medica (Amsterdam, Netherlands). 19 (1–2): 1–21. PMID 6085985.
- Hunter, M (Februaro 1982). "Early problems in professionalizing scientific research: Nehemiah Grew (1641–1712) and the Royal Society with an unpublished letter to Henry Oldenburg". Notes and Records of the Royal Society of London. 36 (2): 189–209. doi:10.1098/rsnr.1982.0011. PMID 11615876. S2CID 44732364.
- LeFanu, William R. (30a de Decembro 1971). "The versatile Nehemiah Grew". Proceedings of the American Philosophical Society. 115 (6): 502–6. PMID 11615545.
Eksteraj ligiloj redakti
- "The Anatomy of Plants" by Nehemiah Grew in Botanicus.org
- Nehemiah Grew info from the Hauck Botanical online exhibit Arkivigite je 2009-07-17 per la retarkivo Wayback Machine
- Life and Work of Nehemiah Grew[rompita ligilo] in The Public Domain Review