Nordio

Nordio aŭ Nordlandoj (svede, norvege kaj dane Norden, finne Pohjola (POHjola); ”La Nordo” kaj ”Nordo”) estas komuna nomo por la nord-eŭropaj landoj, kiuj estas historie ligitaj pro la Unio de Kalmar kaj nun membras en la Nordia Konsilantaro, do por la sendependaj landoj Norvegio, Svedio, Finnlando, Danio kaj Islando kaj la memregaj regionoj Gronlando (Danio), Feroaj Insuloj (Danio) kaj Alando (Finnlando).

• Areo: 1.257.477 km²
• Loĝantaro: 24,061 milionoj (ĉ. 2001)
• Lingvoj parolataj:
  • ĝermanaj: islanda, feroa, norvega, sveda (en Svedio kaj ankaŭ en regioj de Finnlando), dana, kaj la platdiĉa kaj la germana (ĉe la dan-germana limo)
  • finn-ugraj: finna, tornival-finna, sameaj lingvoj
  • kaj cigana inter kelkaj aliaj tradiciaj kaj novaj minoritat-lingvoj.

Nordio
Mondregiono
administrative territorial entity of more than one country • kultura regiono [+]
- koordinatoj	64° 0′ 0″ N, 10° 0′ 0″ O (mapo)6410
Areo	3 425 804 km² (342 580 400 ha) [+]
Loĝantaro	27 800 000 [+] (2022)
Denseco	8,11 loĝ./km² [+] [+]
Nordio (Tero)
Nordio (Norvegio) DEC Nordio
Nordio
Vikimedia Komunejo:  Nordic region [+]
En TTT: Oficiala retejo [+]

Mapo de Nordio.

Difinoj

La Unio de Kalmar ĉirkaŭ la jaro 1500.

Jena regionigo estas parte geografia, parte historia, parte politika. Geografie, pro la aparteco kaj distanco al la kultura kaj milita centro de Eŭropo (Grekio, Italio, Francio, Germanio, Rusio, ktp).

Historie, ĉar la skandinavoj kaj la islandanoj kaj la svedlingvaj finnlandanoj kaj la feroanoj ĉiuj idas de la ĝermanaj vikingoj, parolante pranordlandidan kaj tial parte interkompreneblaj, precipe en Skandinavio, kie danoj, norvegoj kaj svedoj plej ofte ne bezonas kroman interlingvon. La alia lingvaro de Nordio estas la finn-ugra, parolata fare de finnoj kaj sameoj en la tuta plejnordejo kontinenta de Nordio (kaj iom en najbara provinco de Rusio). La kulturoj kaj regaj sistemoj de la nordiaj landoj tre similas unu la alian. Ĉiuj landoj de Nordio krom Finnlando, kaj ankaŭ Estonio (kaj aliaj landoj), uzas kronon kiel valuton. Finnlande uzatas Eŭron.

Politike, pere de la Nordia Konsilantaro, kiu seĝas en Islando. Tie kunvenas la nordiaj ĉefpolitikistoj de temp' al tempo, sed nur temas pri ideumejo, ne pri potenca organizo kiel Eŭropa Unio (EU). Danio, Svedio kaj Finnlando ankaŭ membras en EU.

Norvegio kaj Islando membras en NATO kune kun Danio, dum Svedio internacie neŭtralas, kaj Finnlando iom dubemas pro la proksimeco al eksa Soveta Unio. La tri Skandinavaj landoj havas simbolajn gereĝojn, dum la du eksterskandinaviaj estas respublikoj.

Politike, oni ankaŭ kalkulas Nord-Amerikan insulegon Gronlandon al Nordio (pro ties aparteneco al Danio). Geografie kaj historie, oni ofte kunkalkulas la Ŝetlandajn Insulojn kaj Gronlandon kaj Baltion (ĉiuj iam kun vikingidaj loĝantoj) kaj la finn-ugrajn regionojn de Rusio (Karelio kaj certajn partojn de la duoninsulo Kola).

Historio

La reĝino Margareta la 1-a de Danio, Norvegio kaj Svedio.

Antaŭ pli ol mil jaroj, la nordianoj multe ĝenis al la mondo, vikingumante tra Eŭropo, ĉeeŭropaj Azio kaj Afriko, kaj eĉ en Gronlando kaj Nordameriko, kiujn ili kiel la unuaj eŭropanoj malkovris. Hodiaŭ, la kvin landoj estas fame konataj tra la mondo kiel pacamaj demokratioj kopiindaj.

Dum la mezepoko kaj la 16-a ĝis 17-a jarcento, la historion de Nordio markis longedaŭraj militoj kaj malvarmaj kaj realaj inter la partoj okcidenta, kun partoj periode en la regado de Danio kaj periode la regado de Svedio, kaj ankaŭ de Norvegio. La Unio de Kalmar, fondita de Margareta la 1-a, dum iom pli ol unu jarcento en la fino de la nordia mezepoko kunligis la nordiajn landojn. Oni komencis uzi komunan regno-flagon por iom da tempo.

Simboloj

Ĉiuj flagoj de Nordio, krom tiuj de Sameio kaj Gronlando, havas komunan trajton: unukoloran fonon sub Skandinava kruco – krista kruco maldekstren turnita ĝishorizontale.

Kronologio pri la nordiaj landoj

Popoloj	Danoj	Feroanoj	Islandanoj	Norvegoj	Svedoj	Finnoj
Jarcento	Norda politika tuteco
21	Danio (EU)	Ferooj	Islando	Norvegio	Svedio (EU)	Finnlando (EU)
20	Danio				Svedio	Finnlando
19	Danio			Svedio-Norvegio		Finnlando
18	Danio-Norvegio				Svedio
17
16
15	Unio de Kalmar
14	Danio	Norvegio			Svedio
13
12		Ferooj	Islando	Norvegio

Superrigardo

Tiu ĉi estas multe ne-kompleta superrigardo de Nordio.

Kulturo

• la alkoholaĵ-zono/vodko-zono
• somermeza festo
• julo, la kristnaska festo
• ĝenerale, egalecaj valoroj

Verkistoj

• H. C. Andersen, Karen Blixen (ankaŭ kun pseudonomoj kiel Isak Dinesen, Tania Blixen)
• Henrik Ibsen, Bjørnstjerne Bjørnson, Knut Hamsun
• Carl Jonas Love Almqvist, Verner von Heidenstam, August Strindberg, Selma Lagerlöf, Karin Boye, Astrid Lindgren, Vilhelm Moberg, Sara Lidman
• Mikael Agricola, Johan Ludvig Runeberg, Väinö Linna, Tove Jansson (ankaŭ desegnisto)

Aliaj

• Ingmar Bergman kaj Bille August, reĝisoroj
• Greta Garbo, Ingrid Bergman, Max von Sydow kaj Pernilla August, aktoroj
• Ingemar Johansson, boksisto, Björn Borg, tenisisto, Jan-Ove Waldner, tablotenisisto

Muzikistoj

• Nordia popolmuziko
• Lasse Lucidor, Bengt Lidner (poeto kaj verkisto), Carl Michael Bellman, Evert Taube, Cornelis Vreeswijk, verkistoj kaj musikistoj
• Edvard Grieg, komponisto kaj musikisto
• Jenny Lind, Birgit Nilsson, kantistoj
• ABBA, grupo
• Sanne Salomonsen

Bildoj

• 
  Flagoj de Nordio.
• 
  La Nordio.
• 
  Loĝdenso en Nordio.
• 
  La sveda kaj la finnlandsveda aŭtoroj Astrid Lindgren kaj Tove Jansson.

Arto

• Ekzemploj de nordia arto de la 19-a jarcento
• 
  Þingvellir de Þórarinn B. Þorláksson
• 
  La Krio de Edvard Munch
• 
  Christen Købke, Vido de la lago Sortedam, 1838
• 
  Matenmanĝo sub la granda betulo de Carl Larsson, 1896
• 
  Robert Wilhelm Ekman, Väinämöisen soitto, 1866
• 
  De Díðrikur á Skarvanesi
• 
  Jakob Danielsen – Kaassassuk movigas ŝtonegojn, Gronlando

Vidu ankaŭ

• Thule
• Fenoskandio
• Skandinavio
• Nordia Konsilio de Ministroj
• Nordiismo
• Baltio
• Skandinava modelo de ekonomio, Socialema ŝtato
• Norda Kantaro, kolekto de esperantigitaj kantoj de Nordio