Norman Mailer

Norman MAILER (31-a de januaro 1923 en Long Branch, Nov-Ĵerzejo – 10-a de novembro 2007) estis usona verkisto, scenaristo, reĝisoro kaj aktoro.

Norman Mailer
Persona informo
Norman Kingsley Mailer
Naskonomo	Norman Kingsley Mailer
Naskiĝo	31-an de januaro 1923 (1923-01-31) en Longa Branĉo
Morto	10-an de novembro 2007 (2007-11-10) (84-jaraĝa) en Nov-Jorko
Mortis pro	naturaj kialoj vd
Mortis per	rena malfunkcio vd
Tombo	Provincetown Cemetery vd
Religio	judismo vd
Etno	judoj vd
Lingvoj	angla vd
Loĝloko	Nov-Ĵerzejo • Provincetown • Longa Branĉo • Broklino vd
Ŝtataneco	Usono vd
Alma mater	Universitato de Parizo • Universitato Harvard • Boys High School • Boys and Girls High School vd
Subskribo
Familio
Patro	Isaac Barnett Mailer vd
Patrino	Fanny Schneider vd
Edz(in)o	Adele Morales • Jeanne Campbell • Norris Church Mailer • Bea Silverman • Beverly Rentz Bentley • Carol Stevens vd
Infanoj	Stephen Mailer • John Buffalo Mailer • Kate Mailer • Michael Mailer • Danielle Mailer • Elizabeth Anne Mailer • Maggie Alexandra Mailer • Susan Mailer vd
Profesio
Alia nomo	Andreas Wilson vd
Okupo	ĵurnalisto • aktoro • filmreĝisoro • scenaristo • romanisto • eseisto • verkisto • dramaturgo • poeto • filmproduktoro • filmmuntisto • historiisto • biografo • teatra aktoro vd
Honorigoj Honorigoj Nacia Libra Premio • George Polk Award • PEN Oakland/Josephine Miles Literary Award • Premio Pulitzer por Ĝenerala Nefikcio • Premio Pulitzer por Fikcio • Helmerich Award • Emerson-Thoreau Medal • Honora Legio • Komandoro de la Artoj kaj la Leteroj • Fellow of the American Academy of Arts and Sciences • Golden Raspberry Award for Worst Director vd
Membrecoj Membrecoj Usona Akademio de Artoj kaj Beletro • Usona Akademio de Artoj kaj Sciencoj • The 8th Street Club vd
vd	Fonto: Vikidatumoj

Sian junaĝon li pasigis en la Nov-Jorka urboparto Brooklyn. Li studis konstruteknikon en la Universitato Harvard, fariĝis soldato en 1943 kaj ekstudis en 1947 en La Sorbonne.

En sia unua romano The naked and the dead li priskribis siajn spertojn kiel soldato en la Pacifiko. Pliajn verkojn karakterizas temoj kiel perfortemo kaj seksaj neŭrozoj. Politike maldekstra, Norman Mailer akre kritikis la usonan socion. Pro sia raportaĵo The armies of the night temanta pri la protestmovado kontraŭ la milito de Usono kontraŭ Vjetnamio li en la jaro 1969 gajnis la Premion Pulitzer. Duan fojon li gajnis tiun ĉi literaturopremion en 1980, pro la romano Executioner’s song.

Norman Mailer dumtempe estis proksima amiko de Marilyn Monroe, pri kiu li verkis biografion. Li sensukcese kandidatis por la posteno de la urbestro de Nov-Jorko kaj en 1980 li dum ioma tempo iĝis la prezidanto de la Usona sekcio de la PEN-Klubo.

Famaj verkoj

• The naked and the dead (romano, 1948)
• An American dream (romano, 1965)
• The armies of the night (romano, 1968)
• Marilyn : a biography (biografio, 1973)
• Executioner’s song (romano, 1979)
• Ancient evenings (romano, 1983)
• Tough guys don’t dance (romano, 1984 – filmigita en 1987)
• The castle in the forest (romano, 2007)