Norvega krono
La norvega krono estas la valuto de Norvegio.
| Krono | |
|---|---|
| valuto • leĝa valuto • krono | |
| Ŝtato: | Norvegio |
| Subdivido: | 100 oeroj (Øre) |
| Kodo laŭ ISO 4217: | NOK |
| Mallongigo: | kr |
| Ŝanĝokurzo | 1 EUR = 7,99044 NOK
1 NOK = 0,12515 EUR (24-a junio 2007) |
| |
Dum aprilo 1875 la antaŭaj moneroj talero (specie-taler) kaj ŝilingo (skilling) anstataŭiĝis per krono (krone) kaj oero (øre). La unua serio de la novaj moneroj havis portreton de la tiama norvega reĝo Oskaro la 2-a. Ĝis la jaro 1924 Norvegio estis ŝtatomembro de la skandinavia valuta unio, kaj la norvega krono ankaŭ validis en Svedio kaj Danio, kaj reciproke la dana kaj sveda mono en Norvegio.
1 krono egalvaloras al 100 oeroj.
Monente ekzistas moneroj en valoro de 50 oeroj, 1, 5, 10 kaj 20 kronoj, samkiel monbiletoj en valoro de 50, 100, 200, 500 kaj 1.000 kronoj.
La antaŭaj moneroj de 1, 5, 10 kaj 25 oeroj ne plu cirkulas.
Moneroj redakti
Ĉiuj moneroj bildigas tipe norvegajn simbolojn kaj signojn kiel ekzemple stiligitan vikingan ŝipon, ornamaĵoj de tradiciaj lignaj preĝejoj aŭ la ordenon de sankta Olavo.
La 10- kaj 20-kronaj moneroj havas portreton de la norvega reĝo Haraldo la 5-a. Tamen aparte de la 20-kronaj moneroj ekzistas multaj specialaj eldonoj, kiuj havas aliajn motivojn.
| Valoro | Diametro | Pezo | Dikeco |
|---|---|---|---|
| 50 oeroj | 18,5 mm | 3,6 gr | 1,70 mm |
| 1 kronoj * | 21 mm | 4,35 gr | 1,70 mm |
| 5 kronoj * | 26 mm | 7,85 gr | 2,00 mm |
| 10 kronoj | 24 mm | 6,8 gr | 2,00 mm |
| 20 kronoj | 27,5 mm | 9,9 gr | 2,20 mm |
* La moneroj de 1 kaj 5 kronoj havas mezan truon.
Monbiletoj redakti
Sur la aktualaj monbiletoj bildiĝas norvegaj artistoj kaj sciencistoj.
| Valoro | Grandeco | Koloro | Portreto |
|---|---|---|---|
| 50 kronoj | 128 x 60 mm | verda | Peter Christen Asbjørnsen |
| 100 kronoj | 136 x 65 mm | ruĝa | Kirsten Flagstad |
| 200 kronoj | 144 x 70 mm | blua | Kristian Birkeland |
| 500 kronoj | 152 x 75 mm | bruna | Sigrid Undset |
| 1000 kronoj | 160 x 80 mm | viola | Edvard Munch |
Eksteraj ligiloj redakti
- monbiletoj kaj moneroj de la Norges Bank (en la norvega) Arkivigite je 2008-05-13 per la retarkivo Wayback Machine
- monbiletoj kaj moneroj de la Norges Bank (en la angla) Arkivigite je 2008-05-16 per la retarkivo Wayback Machine
- paĝoj de la Eŭropa Centra Banko pri la norvega krono (en la angla)