Pál Várdai
Pál Várdai, laŭ hungarlingve kutima nomordo Várdai Pál estis hungara ĉefepiskopo, episkopo, preposto.
Pál Várdai [1] naskiĝis en 1483 en Kisvárda. Li mortis la 12-an de oktobro 1549 en Pozsony (nuntempa Bratislavo en Slovakio).
Biografio redakti
Pál Várdai lernis en Italio. Hejmenveninta li estis preposto de Óbuda. Liaj baldaŭaj karieraj stacioj (ne nur ekleziaj) estis:
- reĝa trezoristo kaj kanceliera sekretario en 1519
- episkopo en Veszprém (urbo) en 1520
- episkopo en Eger en 1523
En 1525 la parlamentaj deputitoj elektis lin kanceliero, sed Ludoviko la 1-a Jogajlido me akceptis ĝin. En la sekva jaro li ne mortis en Batalo de Mohács, poste li ricevis la malplenan ĉefepiskopan seĝon en Esztergom. En 1527 li ricevis la titolon ĉefkanceliero. En 1539 li kronis Izabelan. En 1543 li forfuĝis antaŭ ol la turkoj okupis Esztergom-on, poste li vivis en Nagyszombat (nuntempa Trnava en Slovakio).