Paŝtist-satelito

En ĉiela mekaniko, paŝtist-satelito estas natura satelito de planedo (aŭ alia objekto), kiu limigas la disvastecon de ringo ĉirkaŭ tiu objekto, aŭ kiu kreas malplenon en tiu ringo.

Gravita efiko de paŝtista satelito. Se partiklo estas antaŭ la satelito, ĝi estas altirata far de la gravita forto (F_g) do bremsata: ĝi tiam pasas sur pli malaltan orbiton. Male se la partiklo estas malantaŭ la satelito, ĝi estas plirapidigata kaj pasas sur pli altan orbiton.

Paŝtist-satelito, ofte malgranda luno, orbitas apud unu el la randoj de la ringo; kaj per gravito repuŝas al la ringo la erojn, kiuj forfuĝis ĝin, aŭ akrecias ilin.

Tia satelito povas limi unu randon de ringo, aŭ ambaŭ randojn de malpleno, kiel la malpleno de Encke aŭ la malpleno de Keeler

Ekzemploj de paŝtist-satelitoj

En la ringoj de Saturno

• Pajno: en la malpleno de Encke
• Dafno: en la malpleno de Keeler
• Atlaso: ekstera paŝtisto de la ringo A
• Prometeo: ena paŝtisto de la ringo F
• Pandoro: ekstera paŝtisto de la ringo F

En la ringoj de Urano

• Kordelio: ena paŝtisto de la ringo epsilono
• Ofelio: ekstera paŝtisto de la ringo epsilono

• 
  Dafno, en la malpleno de Keeler
• 
  Prometeo altiras materion el la saturna ringo F
• 
  Pandoro (ekstere) kaj Prometeo "kunpremas" la ringon F