Pekela

ISO

Pekela (53° 06′ N; 07° 00′ E ^Mapo) (loĝantoj je la 1-a de junio 2005: 13.325) estas municipo en norda Nederlando, en la provinco Groningen. La municipo havas areon de 50,20 km².

Municipo Pekela
Flago de la municipo Pekela	Blazono de municipo Pekela
nederlanda municipo
Provinco	Groningo
Urbestro	Jaap Kuin
Ĉefloko	Oude Pekela
Areo  - Tero  - Akvo	50,20 km² 49,12 km² 1,08 km²
Loĝantaro  - Loĝdenso	13.325 (1-a de junio 2005) 271 loĝ./km²
Geografia situo	53° 6′ N, 7° 0′ O (mapo)53.17
Pekela (Nederlando) DEC Pekela
Gravaj trafikaj arterioj	N366, N367
CBS-municipokodo	0765
Telefona kodo	0599
Poŝtkodo	9662–9669
Oficiala retejo	https://www.pekela.nl/

Historio

Pekela portas sian nomon ek de 1599, kiam setlantoj el la okcidenta parto de Nederlando akiris terpecojn laŭlonge de la rivero Pekel. Oni bezonis la tie troviĝantan marĉon por torfelfoso. Kiam Ludoviko Napoleon estis reĝo de Nederlando (1810), oni dividis la municipon en Oude Pekela (Malnova-Pekela) kaj Nieuwe Pekela (Nova-Pekela). En 1990 oni reunuigis ambaŭ partojn.

Ĝis en la 20-a jarcento Pekela estis konata pro la fabrikado de pajlokartono. Ĉar la laborkondiĉoj estis malbonaj, estis multe da simpatio por la komunismo. Krom tio, la Komunista partio de Nederlando (CPN) havis multajn adeptojn en la orienta parto de la provinco. Ankaŭ nuntempe estas multaj adeptoj de la socialismo, inter aliaj ĉar la senlaboreco en la regiono estas relative alta.

Subdivido

La municipo Pekela konsistas el la sekvaj vilaĝoj: Alteveer (parte), Boven Pekela, Bronsveen, Hoetmansmeer, Nieuwe Pekela, Oude Pekela.

Publika transporto

Buslinioj en la municipo Pekela:

• linio 10: Winschoten-Oude Pekela-Nieuwe Pekela-Veendam-Bareveld-Gieten-Assen
• linio 71: Veendam-Nieuwe Pekela-Alteveer
• linio 75: Winschoten-Oude Pekela-Nieuwe Pekela-Boven Pekela-Stadskanaal

La buslinioj estas ekspluatataj de la kompanio Arriva

Naskiĝis en Pekela

• Fre Meis gvidinto de la CPN

Eksteraj ligiloj

• komunuma retejo