Peter von Dusburg
Peter von Dusburg (germane, latine Petrus de Dusburg; naskiĝis post 1250, mortis post 1326), ankaŭ literumata von Duisburg, estis monaĥa pastro kaj kronikisto de la Ordeno de germanaj kavaliroj. Li estas konata pro skribado de la verkaĵo Chronicon terrae Prussiae, kiu priskribas konfliktojn de la 13-a kaj frua 14-a jarcento inter la Ordeno de germanaj kavaliroj kaj la praprusoj en la geografia regiono Prusio.
| Peter von Dusburg | |
|---|---|
| Persona informo | |
| Naskiĝo | 1-an de januaro 1300 |
| Morto | 1-an de januaro 1400 (100-jaraĝa) |
| Lingvoj | mezaltgermana • Mezepoka latino |
| Okupo | |
| Okupo | historiisto • verkisto |
Liaj datoj de naskiĝo kaj morto estas nekonataj, nur certas ke li vivis de la dua duono de la 13-a jarcento ĝis la unua duono de la 14-a jarcento. Komence oni kredis li estis el Duisburg, Germanio, kvankam aliaj esploroj indikas li havu anstataŭe venas de Doesburg, prononcata [DUSburĥ], nun en la Nederlando.
En 1324, probable dum restado en Königsberg, Peter ekverkis sian kronikon Chronicon terrae Prussiae nome de Grandmajstro Werner von Orseln. Ĝis la jaro 1326, li finis sian laboron kaj inkluzivis tekstojn de latinisto, kiu verkis pri la armeaj kampanjoj de la frua praprusa krucmilito. Tiu versio poste estis reviziita por inkluzivi okazaĵojn ĝis la jaro 1330.
Inter la jaroj 1331 kaj 1335, Nikolaus von Jeroschin nome de Grandmajstro Luther von Braunschweig tradukis ls latinlingvan kronikon en la mezaltgermanan.