Plesná (Ostrava)
|
Por aliaj signifoj, bv. rigardi la apartigilan paĝon: Plesná |
Plesná estas ekde la 1-a de januaro 1994 23-a urba parto de la statuta urbo Ostrava en Ĉeĥio. Ĝis la 24-a de aprilo 1976, kiam ĝi fariĝis parto de la urboparto Poruba, ĝi estis memstara municipo. La urboparto situas proksimume 15 km nordokcidente de urbocentro de Ostrava. Ĝi najbaras kun urbopartoj Martinov, Pustkovec, Poruba kaj Krásné Pole, plu poste kun municipoj Děhylov, Dobroslavice kaj Velká Polom. Katastro konsistas el katastraj teritorioj Stará Plesná kaj Nová Plesná. Vivas ĉi tie 1 496 loĝantoj (2021).
| Plesná | |||
| urba parto | |||
 Plesná kun preĝejo de sankta Jakobo
| |||
 | |||
|
|||
| Oficiala nomo: Plesná | |||
| Lando |  Ĉeĥio
| ||
|---|---|---|---|
| Regiono | Moraviasilezia regiono | ||
| Distrikto | Distrikto Ostrava-urbo | ||
| Historia regiono | Ĉeĥa Silezio | ||
| Parto de | Ostrava | ||
| Tipo de parto | Urba parto | ||
| Rivero | Plesenský potok | ||
| Situo | Plesná | ||
| - koordinatoj | 49° 51′ 48″ N 18° 08′ 52″ O / 49.86333 °N, 18.14778 °O (mapo) | ||
| Areo | 4,87 km² (487 ha) | ||
| Loĝantaro | 1 496 (2021) | ||
| Denseco | 307,19 loĝ./km² | ||
| Unua skribmencio | 1255 | ||
| Horzono | MET (UTC+1) | ||
| - somera tempo | MET (UTC+2) | ||
| Poŝtkodo | 725 27 | ||
| Festivalo | Sanktvenceslaa muzika festivalo | ||
  Situo de Plesná enkadre de Ĉeĥio
| |||
 Plesná enkadre de Moraviasilezia regiono
| |||
 Vikimedia Komunejo: Plesná (Ostrava)
| |||
| Retpaĝo: www.plesna.cz | |||
 Portalo pri Ostrava
| |||
Historio redakti
La unua skriba mencio pri la municipo devenas el la 17-a de decembro 1255. Boček z Obřan donacis al monaĥejo en Žďár nad Sázavou krom alian municipon Plesna en Opavio. Konfirmon de la donaco faris en la jaro 1261 olomouca episkopo Bruno el Schauenburg. Proksime de (Stará) Plesná estis en la jaro 1789 fondita nova municipo - Nová Plesná. En la jaro 1850 Stará Plesná kaj Nová Plesná unuiĝis. En la jaro 1860 aĉetis la municipon Johano Nepomuk grafo Wilczek, kiu tiutempe tenis ankaŭ Klimkovice-on kaj Polan Ostravon. La 8-an de oktobro 1938 la municipo estis aligita al Sudeta ĵupo, dum la dua mondmilito ĝi estis liberigita fare de Ruĝa Armeo la 26-an de aprilo 1945.
La loĝantoj dediĉis sin al agrikulturo kaj tiu ĉi maniero de la vivtenado neniel principe influis nek industria prospero en Ostrava-regiono. Kvankam plimulto de la loĝantoj trovis laboron en la industrio, la agrikultura karaktero de la municipo restis konservita. La municipo havis la propran paroĥon ekde la 15-a jarcento. Verŝajne en la jaro 1607 transprenis ĝin protestantoj. En la jaro 1654 la municipo estis alparoĥigita al Hlučín; la memstaran pastran administracion ĝi akiris reen nur en la jaro 1780, kia estis alparoĥigitaj al ĝi ankaŭ la ĉirkaŭaj municipoj Děhylov, Dobroslavice, Jilešovice, Martinov kaj Pustkovec.
Loĝantaro redakti
| Jaro | Loĝantoj |
|---|---|
| 1869 | 629 |
| 1880 | 729 |
| 1890 | 728 |
| 1900 | 911 |
| 1910 | 996 |
| 1921 | 919 |
| Jaro | Loĝantoj |
|---|---|
| 1930 | 997 |
| 1950 | 813 |
| 1961 | 992 |
| 1970 | 979 |
| 1991 | 1 001 |
| 2001 | 1 098 |
| Jaro | Loĝantoj |
|---|---|
| 2011 | 1 262 |
| 2021 | 1 496 |
Memorindaĵoj redakti
- Preĝejo de sankta Jakobo (kultura memorigaĵo)
La devena plesna filia ligna preĝejo estis verŝajne konstruita en la 13-a jarcento, skriba mencio pri ĝi estas nur el la 15-a jarcento. La preĝejo situis sur nuntempa lerneja ĝardeno, proksimume sur loko de hodiaŭa kapelo. Fundamenta ŝtono de la nova preĝejo estis metita en la jaro 1787. Konstrui lasis ĝin tiama posedanto de dobroslavica senjorujo, grafo Wengerski el Ungarschutz kun granda helpo de civitanoj de ĉiuj municipoj de la paroĥo.
- Kapeleto (kultura memorigaĵo)
Ĝi devenas el la unua duono de la 19-a jarcento, pordego poste el la dua duono de la 19-a jarcento.
- Monumento al viktimoj de la unua mondmilito kaj la dua mondmilito
- Monumento al Ruĝa Armeo
- Memortabulo de interbrigadisto Karel Svoboda
Kulturo kaj sporto redakti
Agadas ĉi tie Korpuso de propravolaj fajroestingistoj kaj TJ Sokol Plesná. La municipo aranĝas ĉiujare folkloran festivalon Maja Plesná kaj ĝi gastigas Sanktvenceslaan muzikan festivalon.
TJ Sokol Plesná aranĝas aŭtunan biciklistan konkurson Plesna pado kaj ĝi trafikas plurcelan ludejon en loka parto Žižkov kaj en plesna gimnastikejo ĝi trejnas badmintonan trupon.