Provinco Kvenko

Kvenko (hispane Cuenca, kŭEnka) estas provinco de la centra Hispanio, en la orienta parto de la regiono de Kastilio-Manĉo. Ties etendo okupas 17 141 km².

Provinco Kvenko
Provinco
Flago	Blazono
Administra divido de Hispanio [+]
Lando	Hispanio
Ĉefurbo	Kvenko
- koordinatoj	40° N, 2° U (mapo)40-2
Plej alta punkto	cerro San Felipe [+]
- alteco	1 839 msnm [+]
Plej malalta punkto	Cabriel [+]
- malalteco	480 msnm [+]
Areo	17 141 km² (1 714 100 ha) [+]
Loĝantaro	198 718 [+] (2017)
Denseco	11,59 loĝ./km² [+] [+]
Guberniestro	Benjamín Prieto Valencia
Horzono	UTC+01:00 [+]
Poŝtkodo	16 [+]
ISO 3166-2	ES-CU
Provinco Kvenko (Tero)
Provinco Kvenko (Provinco Kvenko) DEC Provinco Kvenko
Provinco Kvenko
Vikimedia Komunejo:  Province of Cuenca [+]
En TTT: Oficiala retejo [+]

Limas kun la provincoj Valencio, Albaceto, Reĝurbo, Toledo, Madrido, Gvadalaĥaro, kaj Teruelo.

Estas populacio de 217 716 personoj (laŭ la Nacia Instituto de Statistiko de Hispanio 2010) en la provinco. Ties ĉefurbo estas Kvenko, kie loĝas preskaŭ kvarono de la populacio de la provinco. Estas 238 municipoj en tiu provinco.

Ĉefaj riveroj estas la rivero Júcar kaj ties alfluanto, Cabriel kaj ankaŭ alfluantoj de la rivero Gvadiano (nome Cigüela, Záncara) kaj de la rivero Taĵo (nome Guadiela, kaj Cuervo).

Kvenko, kun malriĉa ekonomio ĉefe pro longdaŭra elmigrado, ŝajne rekuperiĝas lastatempe danke al turismo kaj al progresa diskonigado de ties rimarkindaj pejzaĝoj kaj rimedoj. La ekonomio estis tradicie centrita en la agrikulturo kaj la forstado: cerealoj, vitejoj, olivarboj, safrano, ajloj, kikeroj, lentoj, fungoj (Villanueva de la Jara, Altarejos, Las Pedroñeras, Los Hinojosos, Mota del Cuervo, Puebla de Almenara). La industrio centriĝas ĉefe en la sektoro devena de la forsta riĉo kvenka: segilejoj (Kvenko, Almodóvar del Pinar) kaj rezinoj (Kvenko, Arcos de la Sierra). Ties fontoj de minerala akvo de granda kvalito, ĉefe norde de la provinco, ebligas industrion pri enboteligo de kreska gravo (ekzemple, ĉe Beteta kaj Huerta del Marquesado).

Estas en ties teritorio la akvorezervejoj de Buendía, La Toba, Alarcón kaj Contreras kiuj lastatempe estas en malfacila situacio.

Municipoj

Municipoj kun pli ol 1000 loĝantoj laŭ la maldekstra listordo

Komarkoj de Provinco Kvenko: markita oranĝe Manĉeto, poste laŭ la horloĝa direkto Kvenka Manĉo, Alkario, kaj la du montaraj komarkoj

Municipoj de Kvenko kun pli ol 1000 loĝantoj (INE 2010)

	Nomo	Urbo	Komarko
1.	Kvenko	56.189	Serranía Media-Campichuelo kaj Serranía Baja
2.	Tarancón	15.732	Kvenka Manĉo
3.	Quintanar del Rey	7.910	Kvenka Manĉo
4.	Las Pedroñeras	7.228	Kvenka Manĉo
5.	San Clemente	7.204	Kvenka Manĉo
6.	Mota del Cuervo	6.304	Kvenka Manĉo
7.	Motilla del Palancar	6.195	Kvenka Manĉeto
8.	Iniesta	4.694	Kvenka Manĉeto
9.	Horcajo de Santiago	4.162	Kvenka Manĉo
10.	Casasimarro	3.361	Kvenka Manĉeto
11.	Villamayor de Santiago	3.068	Kvenka Manĉo
12.	El Provencio	2.771	Kvenka Manĉo
13.	Minglanilla	2.669	Kvenka Manĉeto
14.	Las Mesas	2.563	Kvenka Manĉo
15.	Belmonte	2.234	Kvenka Manĉo
16.	Villanueva de la Jara	2.231	Kvenka Manĉeto
17.	Huete	2.034	Alkario
18.	La Alberca de Záncara	1.976	Kvenka Manĉo
19.	Sisante	1.960	Kvenka Manĉeto
20.	Ledaña	1.931	Kvenka Manĉeto
21.	Honrubia	1.761	Kvenka Manĉo
22.	Las Valeras	1.671	Serranía Media-Campichuelo kaj Serranía Baja
23.	Campillo de Altobuey	1.576	Kvenka Manĉeto
24.	Casas de Fernando Alonso	1.503	Kvenka Manĉo
25.	Landete	1.376	Serranía Media-Campichuelo kaj Serranía Baja
26.	Arcas del Villar	1.354	Serranía Media-Campichuelo kaj Serranía Baja
27.	Fuente de Pedro Naharro	1.330	Kvenka Manĉo
28.	El Pedernoso	1.304	Kvenka Manĉo
29.	San Lorenzo de la Parrilla	1.288	Kvenka Manĉo
30.	Valverde de Júcar	1.280	Kvenka Manĉo
31.	Villar de Olalla	1.202	Serranía Media-Campichuelo kaj Serranía Baja
32.	Villalpardo	1.143	Kvenka Manĉeto
33.	Priego	1.124	Alkario
34.	Barajas de Melo	1.065	Alkario
35.	Casas de Benítez	1.055	Kvenka Manĉeto
36.	Talayuelas	1.049	Serranía Media-Campichuelo kaj Serranía Baja
37.	Los Hinojosos	1.001	Kvenka Manĉo

Naturo

• Natura parko de Alto Tajo

40° 00′ N 2° 00′ U (mapo)

Vidu ankaŭ

• Municipoj de Provinco Kvenko