Renaat Braem
Renaat BRAEM [bram] (naskiĝis en Antverpeno la 2-an de aŭgusto 1910, mortis en Essen la 24-an de januaro 2001) estis flandra arkitekto.
| Renaat Braem | |||||
|---|---|---|---|---|---|
| Naskiĝo | 2-an de aŭgusto 1910 en Antverpeno | ||||
| Morto | 24-an de januaro 2001 en Essen | ||||
| Nacieco | flandro | ||||
| Sukcesis kiel | arkitekto | ||||
| Reprezentaj verkoj | La rektorejo de la universitato de Bruselo, Urbokvartalo Arenaplein en Deurne | ||||
| |||||
| |||||
| Persona informo | |||||
| Lingvoj | nederlanda | ||||
| Ŝtataneco | Belgio | ||||
| Alma mater | Reĝa Akademio de Belaj Artoj | ||||
| Familio | |||||
| Edz(in)o | Elza Severin | ||||
| Okupo | |||||
| Okupo | arkitekto | ||||
Biografio redakti
Braem sekvis kursojn en la tridekaj jaroj de la pasinta jarcento ĉe Le Corbusier. Li estas konsiderata la plej grava moderna arkitekto de Belgio, pro liaj rimarkindaj konstruaĵoj, sed ankaŭ pro liaj ideologiaj sintenoj, kiuj ĉiam akompanis lian verkadon.
Inter 1947 kaj 1975 li estis profesoro ĉe la Hoger Instituut voor Bouwkunst en Stedenbouw (Supera instituto pri konstruado kaj urbanizado) en Antverpeno. En 1968 li publikigis la verkon Het lelijkste land ter wereld (La plej malbela lando de la mondo), en kiu li atakis la ĝistiaman urbanizadon de Belgio.
En la sesdekaj jaroj li faris multon por la konservado de la kvartalo Zurenborg, unu el la plej belaj kvartaloj de la distrikto Berchem, parto de Antverpeno. En 1969 li proponis konservi la kompletan kvartalon kaj sukcesis haltigi la planojn de la tiama municipo Berchem komplete malkonstrui ĝin.[1]
En pli alta aĝo Braem ankaŭ pentris kaj skulptis. Renaat Braem estis la bopatro de Hendrik de Roover.
Verkoj redakti
- 1935 - Urbo de l' mortintoj
- 1934 - Linia urbo (urbo laŭlonge de la Albertkanalo inter Antverpeno kaj Lieĝo)
- 1950 - Brauns-domo en Kraainem
- 1951-1958 - Urbokvartalo de Kiel
- 1958 - Braem-Severin-domo: lia propra domo en Deurne
- 1956-1969 - Modela urbo en Bruselo
- 1952-1967 - La policeja nubskrapulo en Antverpeno
- 1957-1967 - Urbokvartalo Sint-Maartensdal en Loveno
- 1960-1965 - Urbokvartalo Arenaplein en Deurne
- 1966 - La domo de Gerard Alsteens (GAL) en Overijse
- 1971-1978 - La rektorejo de la universitato de Bruselo
- 1972-1977 - Urbokvartalo en Boom
Libroj redakti
- Het lelijkste land ter wereld (La plej malbela lando de la mondo) (1968)
- Het schoonste land ter wereld (La plej bela lando de la mondo) (1987)
Eksteraj ligiloj redakti
- nederlande La domo de Renaat Braem[rompita ligilo]
Referencoj redakti
- ↑ Bekaert, Geert. (1984) Architecturae liber XI (nederlande france angle). Lieĝo: Pierre Mardaga, p. 5. ISBN 2-87009-219-8.