Respubliko Molossia
La Respubliko Molossia (angle: Republic of Molossia), ankaŭ nomata Molossia, estas mikronacio kiu postulas por si mem 4,5 hektarojn da tero proksime de Dayton, Nevado[1], kiu tamen nek estas agnoskata de suverena nacio nek de Unuiĝintaj Nacioj. La oficialaj lingvoj de la respubliko estas la angla kaj Esperanto[2].
| Respubliko Molossia | |
|
|
|
| Detaloj | Detaloj |
| mikronacio | |
|---|---|
| Bazaj informoj | |
| Oficiala(j) lingvo(j) | angla lingvo |
| Loĝantaro | 32 (18-a de marto 2012) |
| Horzono | UTC-08:00 |
| Politiko | |
| Politika sistemo | prezidenta respubliko |
| Ŝtatestro | Kevin Baugh |
| Ĉefministro | Kevin Baugh |
| Ekonomio | |
| |
Geografio kaj klimato redakti
La mikronacio situas en la usona dezerta ŝtato Nevado .
La klimato tie estas seka kun temperaturoj ĉirkaŭ 35 °C. La tereno estas apenaŭ vegetita kaj estas hejmo de plantoj kiel artemizio aŭ pinjonpinoj.
Je 45km de tie troviĝas Lago Tahoe kaj la urbo Virginia City. La plej proksima grava flughaveno ankaŭ troviĝas je 45 km, en Reno, Nevado[3].
Historio redakti
La Respubliko Molossia estis fondita la 26-an de Majo 1977, tiutempe ankoraŭ sub la nomo "La Granda Respubliko de Vuldstein" (germane: Die Große Republik von Vuldstein), fondita de Kevin Baugh kaj lia amiko James kiel infana projekto. La ideo venis al la du viroj tra la filmo The Mouse That Roared (La muso kiu muĝis) .
Milito kontraŭ la GDR redakti
En 1983, kiam Kevin Baugh estis serĝento de la usona armeo en Okcidenta Germanio, li deklaris militon kontraŭ la GDR[3], ĉar laŭ siaj propraj deklaroj, li estis ĝenita pro "plurfojaj ĉiunoktaj leviĝadoj por batali kontraŭ la komunisman minacon". La GDR estis oficiale dissolvita ekde la germana reunuiĝo en 1990 .
Komerco redakti
Militaj obligacioj redakti
Kevin Baugh uzas la "militon kontraŭ la GDR" tra tielnomitaj "militaj obligacioj" kiel fonton de enspezoj. Ĉi tiu "Molossian War Bond" estas aĉetebla kontraŭ 3 usonaj dolaroj[3].
Turismo redakti
Alia fonto de enspezoj por Molossia estas turismo. Ĉirkaŭ 200 homoj vizitas ĉiujare la mikronacion. Baugh kaj lia familio aranĝas rondirojn por turistoj de aprilo ĝis oktobro kiuj daŭras proksimume unu horon[3].
Vidu ankaŭ redakti
Grandduklando Westarctica
Eksteraj ligiloj redakti
Referencoj redakti
- ↑ (en) About Molossia. en: Molossia, alirite la 4-an de decembro 2021
- ↑ (en) Esperanto courses at the Molossa Language Institue
- ↑ 3,0 3,1 3,2 3,3 (de) Larissa Königs, Die skurrile Mikronation, die einen „Krieg“ gegen die DDR führt, Travelbook, la 3-an de Junio 2020, alirite la 4-an de decembro 2021