Ricardo Díez-Hochleitner

Ricardo DÍEZ-HOCHLEITNER (Bilbao, 11an de aŭgusto 1928 -Madrido, 1an de aprilo 2020) estis ekonomikisto kaj hispana diplomato. Honora prezidanto de la Klubo de Romo, kaj antaŭe prezidanto de tiu organizaĵo de renkonto inter nacioj inter 1990 kaj 2000.

Ricardo Díez-Hochleitner
Persona informo
Naskiĝo	11-an de aŭgusto 1928 (1928-08-11) en Bilbao
Morto	1-an de aprilo 2020 (2020-04-01) (91-jaraĝa) en Madrido
Lingvoj	angla • germana • franca • hispana vd
Ŝtataneco	Hispanio vd
Alma mater	Universitato de Salamanko • Karlsruhea Instituto de Teknologio • Universitato Georgetown vd
Familio
Patro	Felikso Diez vd
Infanoj	Ricardo Díez-Hochleitner Rodríguez vd
Profesio
Okupo	ekonomikisto • universitata instruisto • politikisto vd
Aktiva en	Madrido vd
Postenoj Postenoj prezidanto • honorary chairperson • procurador en Cortes • procurador en Cortes vd
Honorigoj Honorigoj Gold Medal of Merit in the Fine Arts • Granda Kruco de la ordeno de Izabela la Katolikino • Civila ordeno de Alfonso la 10-a la Saĝa • Crosses of Military Merit • Grand Cross of the Civil Order of Alfonso X the Wise • Grand Cross of the Military Merit - White Badge vd
Membrecoj Membrecoj Eŭropa Akademio de Sciencoj kaj Artoj • Roma Klubo • Real Academia de Ciencias Económicas y Financieras • Academia Nacional de Educación vd
vd	Fonto: Vikidatumoj

Biografio

Li estis filo de Félix Díez Mateo, instruisto de lingvoj kaj rekonita esperantisto, kaj de germana patrino, María Teresa Hochleitner (naskiĝinta en Bavario).

Li komencis siajn studojn en la Germana Lernejo de Bilbao kaj en la Mezlernejo de Bilbao. Li diplomiĝis pri Kemiaj Sciencoj en la Universitato de Salamanko (1950) kaj realigis studojn de postgrado de kemia inĝenierio kaj ellaboris sian doktoriĝan tezon en la Teknika Universitato de Karlsruhe (Federacia Respubliko Germanio). Poste li studis mastruman postdiplomiĝon (MBA) en la Universitato de Georgetown en Vaŝingtono (1957-58).

Profesia aktiveco

Ricardo Díez komencis sian profesian karieron kiel instruisto pri Teknika Kemio, en la Fakultato de Sciencoj de la Universitato de Salamanko inter 1951 kaj 1952.

Poste li laboris en la Ministerio de Nacia Eduko de Kolombio (1954-1955), kaj en la Iber-amerika Organizo de Eduko en Bogoto kaj Madrido.

Li laboris ankaŭ en postenoj rilataj al la eduko en la Monda Banko kaj en UNESKO. Li estis Teknika Ĝenerala Sekretario (1968-1969) kaj Subsekretario (1969-1972) de la Ministerio de Eduko kaj Scienco de Hispanio, kie li grave kontribuis al la Projekto de Ĝenerala Leĝo de Edukado de 1970.

Li okupis multajn aliajn postenoj rilatajn al edukado , inter kiuj:

• Elektita membro de la Plenuma konsilio de la UNESKO (1970-1976).
• Patrono de la Internacia konsilio de Disvolviĝo de la Eduko (ICED) Nov-Jorko, de 1973.

Li estas membro de la Klubo de Romo, kooptita en julio de 1976; de 1982 membro de ĝia Plenuma Komitato. Poste Vicprezidanto (1988 -1999) kaj prezidanto (1990-2000). Poste li estis nomumita Honora Prezidanto.

Li disvolvis diversajn postenojn en entreprenoj ligitaj al edukado kaj eldonado, inter kiuj la Eldonejo Santillana, kaj la grupo PRISA, eldonanto de la hispana ĵurnalo "El País". Li estis ankaŭ membro de pluraj fondumoj kaj prezidanto de la Iber-amerika Konfederacio de Fondumoj (2002-2003).

Eksteraj ligoj

• Fride.org/