Servalo

Servalo (Felis serval) estas specio de mezgrandaj afrikaj karnomanĝuloj el genro feliso, familio felisedoj, ordo karnovoruloj, klaso mamuloj. Ĝia raso estas proksima al Afrika ora kato kaj Karakalo.

Kiel legi la taksonomion

Servalo

servalo en Tanzanio

Biologia klasado

Regno:	Animaloj Animalia
Klaso:	Mamuloj Mammalia
Ordo:	Karnomanĝuloj Carnivora
Familio:	Felisedoj Felidae
Subfamilio:	Felinenoj Felinae
Genro:	Leptailurus Nikolaj Severcov, 1858
Specio:	Servalo Johann Christian von Schreber, 1776

Konserva statuso

Konserva statuso: Malplej zorgiga

Aliaj Vikimediaj projektoj

Sistematiko en Vikispecioj

Komunejo pri Servalo

v • d • r

La servalo, komuna en Afriko, vivas ĉefe en humidaj savanoj. Ĝi aparte vivas sude de la Saharo en Afriko, en areoj kun arbustoj, herboj, proksime al akvo. Ĝi havas longajn krurojn, ĝi estas tre rapide moviĝema besto. La servalo lerte grimpas arbon, bone saltas. Ĝi ĉasas nokte, ĉefe birdojn kaj malgrandajn mamulojn (ronĝulojn).

La korpo de la servalo estas svelta, la kolo estas longa, la kapo relative malgranda kun grandaj oreloj. Ĝia vosto longas 20–30 cm, ĝi korpo (sen vosto) 80–100 cm. Ĝia ŝultroalto estas ĉirkaŭ 50 cm, la besto mem pezas ĉirkaŭ 15 kg.

Ĝia felo estas longhara, sur la ventro buterblanka, sur la dorso flava aŭ ruĝeta kun nigraj makuloj kaj strioj. Ĉar la makulado, koloro povas diferenci laŭ regionoj, oni kreis subspeciojn laŭ tio.

La servalino naskas 2–4 idojn post graveda tempo de 68–74 tagoj.