Stacidomo de Arnstadt
La Ĉefa stacidomo de Arnstadt estas unu el du stacidomoj en Arnstadt. Ĝi estas la plej granda en la Distrikto Ilm. Al ĝi apartenas la persona stacio, la vara stacio, la ranĝadstacio kaj la koneksaj reloj al la komerca regiono Erfurter Kreuz. En la centro de la urbo troviĝas la haltejo Arnstadt Süd.
La stacidomo estas nodo de la linioj Neudietendorf–Ritschenhausen (Parto de la linio Erfurt–Arnstadt–Suhl–Meiningen/Würzburg kaj de Erfurt–Arnstadt–Ilmenau) kiel ankaŭ de la linio Arnstadt–Saalfeld.
Historio redakti
La stacio fervoja ekfunkciis la 16-an de majo 1867. Tiam ĝi estis la fina stacio de la linio al Erfurto norden. En la 1879-a jaro sekvis la linio al Plaue–Ilmenau suden kaj en 1894 la linio al Saalfeld sudorienten. La linio inter Plaue kaj Ritschenhausen, kiu transveturis la Turingian Arbaron finkonstruitis en 1884. En 1911 oni metis la enurban relaron ene de Arnstadt surviadukten. Krome estis inter 1885 kaj 1967 nord-eosten flanka linio al Ichtershausen. Ĝi havis eĉ propran stacidomon (Ichtershäuser Bahnhof, poste Arnstadt Ost).
Antaŭ la Dua mondmilito haltis en Arnstadt la granddistancaj vagonaroj de Berlino en la direkton de Stuttgart/Tübingen. La ĉefstacidomo estis i.a. haltpunkto de la trajno D 14 (de Berlin-Anhalter Bahnhof al Romo tra Stuttgart, Ĉefstacidomo Zuriko kaj Chiasso.
Pro la malunuiĝo de Germanio post 1945 la stacidomo malgraviĝis. Tamen ekzistis granddistancajn koneksojn al Meiningen respektive al Berlino en la alia direkto. En 1984 elektrigitis la 11 km longn linio al Neudietendorf por malŝarĝi la erfurtan stacidomon per lokomotivŝanĝo necesa nur en Arnstadt (kaj ne jam pli frue). Per tio ekde la 15-a de majo 1984 Arnstadt estis la unua distriktoadministra urbo (krom Meiningen kaj Zwickau) kun rekta aliro al la Städte-ekspressistemo de Deutsche Reichsbahn. Tiam ekzistis ankaŭ cirkulado Interregio de Erfurto al Stuttgart kun halto en Arnstadt.
Apud la stacidomo troviĝas bela akvoturo.
Vaporlokomotivoj redakti
Komprenis la stacidomo ankaŭ relative grandan riparejo situanta norde de la ĉefa ejo. Ĝi estas hodiaŭ renovigejo por vaporlokomotivoj de tuta Meza Germanio kaj krome muzeo kun ĉiujaraj renkontiĝoj de fanatikuloj de vaporlokomotivaĵoj.
Suda haltejo redakti
De 1910–1912 la fervojo ene de la urbo "plialtigis", t.e. oni kondukigis ĝin sur talusoj, muroj kaj pontoj tra la urbo. Pro tio ĝis hodiaŭ ne estas iu ĝenanta reltransirejo sur la urba teritorio. Tiam konstruitis la moderna stacio Arnstadt-Süd, kies antaŭula nomiĝis Arnstadt-Längwitz.