Swansea City
Swansea City (oficiale Swansea City Association Football Club) – neformale ankaŭ nomata The Swans ("la cignoj") – estas futbalklubo en la urbo Swansea de Kimrio. Ekde la sezono 2011/2012 ĝi konkuras en la unua angla ligo de futbalo (Premier League), kaj en februaro 2013 ĝi unuafoje gajnis futbalteaman trofeon en Anglio, nome la "ligan pokalon" (League Cup).
| Swansea City | |||
|---|---|---|---|
| futbala klubo | |||
| Kluba nomo | Swansea City Association Football Club | ||
| Fondita | 1912 | ||
| Stadiono | Liberty Stadium | ||
| Kapacito | 20.532 | ||
| Prezidanto |  Huw Jenkins
| ||
| Trejnisto | Garry Monk (intertempe)
| ||
| Ligo | unua angla ligo de futbalo (Premier League) | ||
| 2013/2014 | 12-a pozicio | ||
| |||
La klubo fondiĝis en 1912, je la nomo Swansea Town, kaj 1969/1970 renomiĝis Swansea City. En 1961 la unua vira teamo de la klubo estis la unua el Kimrio, kiu sukcesis atingi la UEFA-pokalon de pokalvenkintoj. Tiam ĝi malvenkis kontraŭ la klubo Motor Jena (nuna nomo FC Carl Zeiss Jena) de GDR. El la 1960-aj jaroj estas ankaŭ la rekorda spektantaro de la klubo: la matĉon de la 17-a de februaro 1968 kontraŭ la klubo Arsenal F.C. stadione vidis 32 796 spektantoj.
