Tanga (haveno)

Por samtitolaj artikoloj vidu la paĝojn Tanga, Regiono Tanga kaj tangao.

Haveno Tanga estas la dua plej granda haveno en Tanzanio, unu el la tri internaciaj haveno de la lando. Ĝi estas ankaŭ unu el la plej malnovaj ekzistantaj havenoj en la lando. La haveno de Tanga estis konstruita de la germana Kompanio de Orienta Afriko kiel fino de la Usambara fervojo. La haveno havas jaran kapaciton de 500.000 tunoj kaj funkcias je 90% de siaj kapabloj. Grandskala renovigo estas planata por pligrandigi la kapaciton de la haveno kaj provizi alternativan itineron por la varoj enirantaj la landon, por tiu laboro estas elektita kompanio NIRAS.

Tanga
haveno
Administrado
Demografio
Geografio
Geografia situo	5° 4′ S, 39° 6′ O (mapo)-5.06639.1056 [+]
Tanga (Tanzanio) DEC Tanga Situo de Tanga
Alia projekto
Vikimedia Komunejo Port of Tanga [+]

Nuntempe la haveno estas servata de tri ekspedaj linioj: Delmas, Mitsui OSK Lines kaj Inchcape.

Naftodukto Tanzanio-Ugando

Tanzania prezidento John Magufuli kaj uganda prezidento Yoweri Kaguta Museveni interkonsentis konstrui naftodukton al Ugando ĉe la 17-a Pintkunveno de Orient-Afrikaj Ŝtatoj en Arusha la 6-an de marto 2016. La dukto etendiĝos je 1.400 km de la baseno de la lago Albert ĝis la haveno de Tanga. La origina plano estis konstrui la dukton de Ugando al Kenjo ĝis la haveno de Lamu kaj la transporta koridoro Lamu-Sud-Sudano-Etiopio. La dukto kostos pli ol 4 miliardojn da usonaj dolaroj kaj provizos 1.500 laborpostenojn tra la regiono. Tri kompanioj, kiuj interesiĝas pri la projekto — Total SA, KSHNK kaj Tullow Oil, preferis la tanzanian itineron pro problemoj de sekureco en la norda koridoro de Kenjo. Konstruado jam komenciĝis.