Tartegnin
Tartegnin estas komunumo en la distrikto Nyon en Kantono Vaŭdo, Svislando. Ĝi havis 225 loĝantojn je la 31-a de decembro 2012.
| Tartegnin | |
|---|---|
 | |
| Blazono de Tartegnin | |
| komunumo en Svislando | |
| Kantono | Vaŭdo |
| Distrikto | Nyon |
| Koordinatoj | 46° 27′ 59″ N 6° 18′ 59″ O / 46.46639 °N, 6.31639 °O (mapo)Koordinatoj: 46° 27′ 59″ N 6° 18′ 59″ O / 46.46639 °N, 6.31639 °O (mapo) |
| Nombro de loĝantoj | 225 |
| Areo | 1,09 km² |
| Alteco | 492 m super marnivelo |
| Poŝtkodo | 1180 |
| Komunumkodo | 5862 |
 | |
| Situa mapo de Tartegnin | |
Geografio redakti
La viteja komunumo Tartegnin situas sur la suda deklivo de la monteta ĉeno Côte norde de la Lago Lemano proksimume 120 metrojn super la laga nivelo kun bela vido al la laga baseno kaj la Alpoj. La komunumo konsistas el la vilaĝo Targegnin kaj kelkaj vitejobienoj.[1]
La teritorio de la komunumo etendiĝas sur areo de 1,09 km², de kiuj 37,6 % estas kovritaj de arbaro, 53,2 % servas por agrikulturo kaj 6,4% por setlado. [2]
Najbaraj komunumoj redakti
La komunumo Tartegnin limas en nordo kaj oriento al Essertines-sur-Rolle, en sudoriento al Mont-sur-Rolle, en sudo al Rolle, kaj en okcidento al Gilly.
Trafiko redakti
Laŭlonge de la suda komunumolimo de Tartegnin pasas la kantona ĉefvojo n-ro 124 de Aubonne al Nyon. Tra la vilaĝocentro de Tartegnin kondukas konekta vojo de Mont-Dessus al Gilly kaj konekta kondukas de la vilaĝocentro al la kantona ĉefvojo. La plej proksima alveturejo al la svisa aŭtovojo A1 siutas 1 kilometron sudoriente de la komunumo apud Rolle. Pere de poŝtaŭtolinio de Rolle al Gland la komunumo estas konektita al la publika transportreto.
Historio redakti
La unua dokumenta mencio de Tartegnin datiĝas el la jaro 1018 kiel Tritiniaco. En la 13-a jarcento estis menciita nobela familio de Targegnin. Dum mezepoko Tartegnin apartenis al la Senjorujo Mont-le-Vieux. Sub la berna regado de 1536 ĝis la Helveta Revolucio de 1798 Tartegnin apartenis al la Voktejo Morges. Post la revolucio ĝi estis atribuita al la Distrikto Rolle. Kun efiko de la 1-a de januaro 2008 ĝi surbaze de la administra reformo de 2006 estis atribuita al la grandigita Distrikto Nyon.[3]
Notoj kaj referencoj redakti
Eksteraj ligiloj redakti
- Oficiala retejo de la komunumo Tartegnin Arkivigite je 2011-09-28 per la retarkivo Wayback Machine
- Vidu ankaŭ en la Vikimedia Komunejo la kategorion Tartegnin – (Kolekto de bildoj kaj plurmediaj dosieroj)