Tasilin-Aĝer
Tasilin-Aĝer estas 500 km longa montaro en Alĝerio, ĉe la Saharo (de N 26°20’ Or 5°00’ ĝis N 24°00’ Or 10°00’). Ĝia plej alta pinto estas Adrar Afao (N 25°10’ Or 8°11’) kun 2158 m. La rokaĵo de la montaro estas sabloŝtono, kies erodiĝo rezultis interesajn montoformojn. Danke al la alteco, kaj la akvodepona propreco de la rokaĵo, la plantaro estas pli riĉa ol tiu en la ĉirkaŭa dezerto. En la maloftaj, duonarbaroj kreskas endemiaj specioj, ekz. la sahara cipreso kaj sahara mirto.
| Tasilin-Aĝer | ||
|---|---|---|
.jpg)  | ||
| montara sistemo • arkeologia loko • nacia parko [+] | ||
| Supermara alteco | 2 158 m [+] | |
| Koordinatoj | 25° 40′ N, 9° 0′ O (mapo)25.6666666666679Koordinatoj: 25° 40′ N, 9° 0′ O (mapo) | |
| Areo | 120 000 km² (12 000 000 ha) [+] | |
|
||
 |
||
| Tasilin-Aĝer | ||
 Vikimedia Komunejo: Tassili n'Ajjer [+] |
||
Famaj desegnaĵoj redakti
La montaro mondfamas pro la tie trovitaj kavernaj pentraĵoj, kiuj aperas sur listo de la Mondaj Heredaĵoj. Tiuj desegnaĵoj estiĝis en epoko, kiam la klimato estis pli humida kaj sur loko de la dezerto ekzistis savano. La unua pentraĵoj estis pretigitaj en la 5-9 jarmiloj a.K.. kaj prezentas ĉasadojn, ĝirafojn, gazelojn, kiuj dumtempe malaperis el la areo. Oni pretigis la pentraĵojn per pulvorigita ardezo, ovoblanko, kolorigaĵoj (flava, bruna, ruĝa).
Oni nomas la duan epokon „rondkapa”, ĉar oni desegnis relative grandajn kapojn, ornamitajn per kornoj aŭ plumkrono. La sekvan epokon karakterizas figurigo de bovoj kaj signifas aperon de la brutobredado. Aperas eĉ ĉiutagaj aŭ kultaj scenoj.
En la sekva epoko, oni povas senti influon de la egipta arto. Oni povas rimarki tatuaĵojn sur la bildoj. Post tio okazis dekliniĝo en la figurigoj. Pro la malboniĝanta klimato, formigris la triboj, la desegnoj estis forgesitaj.
La pentraĵojn publikigis Henri Lhote en la 1850-aj jaroj. La pentraĵoj kaj la Nacia Parko Tasilin-Aĝer nun estas protektita aro de la Monda Heredaĵo. Unesko estas signinta la Nacian Parkon kiel biosferan rezervejon.
Vidu ankaŭ redakti
Eksteraj ligiloj redakti
- Nacia parko Tasilin-Aĝer ĉe UNESCO angle
- La nacia parko