Teoremo de Bayes

La teoremo de Bayes (aŭ leĝo aŭ regulo de Bayes), aŭ de Bajeso, estas teoremo de probablokalkulo kaj statistiko esprimebla per la ekvacio

Blua neona ŝildo montranta simplan esprimon de la teoremo de Bayes ĉe la oficejo de HP Autonomy

$P(A\mid B)={\frac {P(B\mid A)P(A)}{P(B)}}$

en kiu $A$ kaj $B$ estas okazaĵoj kaj $P(B)\neq 0$.

• $P(A\mid B)$ estas kondiĉa probablo: la probablo de la okazaĵo $A$, se estas donite, ke $B$ estas vera.
• $P(B\mid A)$ estas alia kondiĉa probablo: la probablo de la okazaĵo $B$, se estas donite, ke $A$ estas vera.
• $P(A)$ kaj $P(B)$ estas la probabloj, ke oni observas $A$ kaj $B$, respektive; oni nomas ilin la marĝenaj probabloj.