Barthélemy Thimonnier
Barthélemy Thimonnier (19a de aŭgusto 1793 en L'Arbresle, Rodano - 5a de julio 1857 en Amplepuis) estis franca inventisto, al kiu estas atribuita la invento de la unua kudromaŝino, kiu reproduktis kudradon permane.
| Barthélemy Thimonnier | |
|---|---|
| |
| Persona informo | |
| Naskiĝo | 19-an de aŭgusto 1793 en L'Arbresle |
| Morto | 5-an de julio 1857 (63-jaraĝa) en Amplepuis |
| Tombo | Cimetière d'Amplepuis |
| Lingvoj | franca |
| Ŝtataneco | Francio |
| Okupo | |
| Okupo | industriisto |
Biografio redakti
Li naskiĝis en 1793 dum la franca revolucio en la departemento Rhône. En 1795, lia familio translokiĝis al Amplepuis. Thimonnier estis la plej aĝa el sep infanoj. Li alvenis Lionon por studi en katolika duagrada lernejo. Li iom studis en Lyon-Part-Dieu, antaŭ ol iri labori kiel tajloro en Panissières. Barthelemy Thimonnier geedziĝis kun brodistino en januaro 1822. En 1823, li ekloĝis en antaŭurbo Saint-Étienne kaj laboris kiel tajloro tie.
Invento de la kudromaŝino redakti
Manuzante ĉiutage kudrilon, li pli kaj pli obstine pensis pri la ebleco fari tion mekanike. En 1829, li inventis la kudromaŝinon kaj en 1830 li subskribis kontrakton kun Auguste Ferrand, mininĝeniero, kiu faris la necesajn desegnaĵojn kaj prezentis patentpeton. La patento por lia maŝino estis eldonita la 17an de julio 1830 en la nomoj de ambaŭ viroj, subtenata de la franca registaro. La saman jaron, li malfermis (kun partneroj) la unuan maŝin-bazitan vestaĵfabrikan kompanion en la mondo. Ĝi laŭsupoze kreis armeuniformojn. Tamen la fabriko estis forbruligita, laŭdire de tajloraj laboristoj timantaj perdi laborpostenon post la eldono de la patento. (Vidu ankaŭ: Luddistoj)
Modelo de la maŝino estas ekspoziciita ĉe la Londona Scienca Muzeo. La maŝino estis el ligno kaj uzis pikhokan nadlon, kiu trapasas malsupren tra la tuko por kapti la fadenon kaj tiri ĝin supren por formi buklon por esti ŝlosita per la sekva buklo.
La plej frua kudromaŝino estis fakte patentita de Thomas Saint en 1790. Do la maŝino de Thimonnier ne estis la unua. La kontribuo de Saint ne fariĝis publika ĝis 1874 kiam William Newton Wilson, mem kudromaŝina fabrikanto, trovis la desegnaĵojn en la Londona Patenta Oficejo kaj konstruis maŝinon, kiu funkciis sekvante iujn alĝustigojn al la maŝino. Do, en 1790 Thomas Saint elpensis maŝinon kun elstara brako, furaĝan mekanismon (taŭgan por la mallongaj ledaj longoj, por kiuj li celis ĝin), vertikalan kudrilan stangon kaj ŝvelilon. La Londona Scienca Muzeo havas la modelon, kiun Wilson konstruis el la desegnoj de Saint.
Pli posta vivo redakti
Thimonnier poste revenis al Amplepuis kaj subtenis sin kiel tajloro denove, serĉante plibonigojn al sia maŝino. Li akiris novajn patentojn en 1841, 1845 kaj 1847 por novaj modeloj de kudromaŝino. Tamen, malgraŭ esti gajninta premiojn ĉe Mondaj Foiroj, kaj laŭdata de la gazetaro, uzado de la maŝino ne disvastiĝis. La financa situacio de Thimonnier restis malfacila, kaj li mortis en malriĉeco en la aĝo de 63 jaroj. Tamen li restas por ĉiam la patro de la historio de la kudromaŝino.
Li mortis la 5-an de julio 1857.
La kompanio de kudromaŝinoj Thimonnier, kreita post lia morto, ekzistis ĝis la 20a jarcento.