Three Mile Island
Three Mile Island estas insulo en la rivero Susquehanna, proksime de Harrisburg, en federacia ŝtato Pensilvanio, en Usono. Tiun nomon portas la tie funkcianta nuklea centralo kaj la plej grava nuklea akcidento de ties en Usono.
| Three Mile Island | ||
|---|---|---|
-2.jpg) | ||
| nuklea centralo [+] | ||
| Koordinatoj | 40° 9′ N, 76° 43′ U (mapo)40.152047-76.724911Koordinatoj: 40° 9′ N, 76° 43′ U (mapo) | |
|
||
 |
||
| Three Mile Island | ||
 Vikimedia Komunejo: Three Mile Island Nuclear Generating Station [+] |
||
| En TTT: Oficiala retejo [+] | ||
La nuklea akcidento redakti
La nuklea akcidento okazis la 28-an de marto en 1979, je la 4-a horo matene. Tiam fermiĝis la aŭtomata ventilo de la 2-a reaktoro kaj tiel ĉesis la postplenigo kun malvarmiga akvo. Pro tio la komanda instalaĵo haltigis funkciadon de la reaktoro, sed dum la sekvaj horoj - pro seria misfunkciado de instalaĵoj kaj homa nekompetenteco - granda kvanto da malvarmiga akvo forfluis el la reaktoro. Tiel la reaktora kerno venis en liberan aeron kaj la cirkonia kovraĵo de la nuklea fuelo kontaktiĝis kun la ĉirkaŭa trovarmegiĝanta akvovaporo. Estiĝis granda kvanto el hidrogena gaso, kiu liberiĝis el la reaktora ujo kaj plenigis la sekuran zonon en la reaktora konstruaĵo.
El la hidrogeno kaj la radioaktivaj gasoj apenaŭ atingis kvanto la liberan eksetran aeron kaj eĉ tiuj ne minacis sanon kaj vivon de la laboristoj kaj la proksimaj loĝantoj. Oni restarigis la konvenan malvarmigon de la reaktoro jam en la sekvaj tagoj.
Kvankam sanaferaj sekvoj de la nuklea akcidento de Three Mile Island estis neglekteblaj, apenaŭ mezureblaj, la afero forte tuŝis la nuklan industrion en la Usono. Oni tuj haltigis - nur provizore – sep aliajn, similfunkciajn reaktorojn, ĉesigis aŭ prokrastis permeson por novaj nukleaj reaktoroj.
La elektroproduktaj entreprenoj ne povis konstrui novajn nukleajn centralojn ĝis emze de la 1980-aj jaroj. La akcidento fortigis zorgojn de la publiko kaj kontraŭstaron kontraŭ novaj nukleaj centraloj.
Oni refunkciigis la sendifektitan 1-an reaktoron de Three Mile Island en 1985, dum la 2-a reaktoro estis tiel difektita (fandis 52 % de la kerno), ke oni ne reuzis ĝin.