Tommy Douglas
Thomas Clement “Tommy” Douglas (20 oktobro 1904 - 24 februaro 1986) estis kanada socialdemokrata politikisto kaj baptisma pastoro. Li estis elektita al la Ĉambro de Deputitoj de Kanado (angle, House of Commons; france, Chambre des communes) en 1935 kiel membro de la Kooperativa Civitanara Federacio, KCF (angle, Co-operative Commonwealth Federation, CCF; france, Fédération du Commonwealth coopératif, FCC). Li forlasis federacian politikon por iĝi la gvidanto de la KCF de Saskaĉevano kaj poste la sepa premiero (ĉefministro) de Saskaĉevano ekde 1944 ĝis 1961. Lia registaro estis la unua socialdemokrata registaro en Nordameriko, kaj ĝi lanĉis la unuan universalan, tutinkluzivan, unu-pagantan sanzorgo-programon de la kontinento.
| Thomas Clement Douglas | |||||
|---|---|---|---|---|---|
 La Hon. T.C. Douglas, Premiero de Saskaĉevano, kun Soldato P. Campbell de la Saskatuna Malpezinfanterio, Barneveld, Nederlando, la 29-a de aprilo 1945
| |||||
| Persona informo | |||||
| Tommy Douglas | |||||
| Naskiĝo | 18-a de oktobro 1919 en Camelon, Falkirk, Skotlando | ||||
| Morto | 28-a de septembro 2000 en Otavo, Ontario, Kanado) | ||||
| Mortis pro | naturaj kialoj vd | ||||
| Mortis per | kancero vd | ||||
| Tombo | Beechwood Cemetery vd | ||||
| Religio | Kristano | ||||
| Lingvoj | angla vd | ||||
| Ŝtataneco | Kanado vd | ||||
| Alma mater | Universitato Brandon, Universitato McMaster, Universitato de Ĉikago | ||||
| Partio | CCF (1935–1961)–NDP (1961–1986) | ||||
Subskribo 
| |||||
| Familio | |||||
| Patro | Thomas Douglas vd | ||||
| Patrino | Annie Clement vd | ||||
| Edz(in)o | Irma Dempsey (1930) | ||||
| Infanoj | Shirley Douglas kaj Joan Douglas | ||||
| Profesio | |||||
| Okupo | politikisto • pastro • kleriko vd | ||||
| Aktiva en | Otavo • Weyburn • Reĝino • Glasgovo • Carberry vd | ||||
| |||||
| |||||
| 1-a Gvidanto de la Nov-Demokratia Partio | |||||
| Dum | 3-a de aŭgusto 1961 – 24-a de aprilo 1971 | ||||
| Antaŭulo | pozicio stariĝis | ||||
| Sekvanto | David Lewis | ||||
| 7-a Premiero de Saskaĉevano | |||||
| Dum | 10-a de julio 1944 – 7-a de novembro 1961 | ||||
| Antaŭulo | William John Patterson | ||||
| Sekvanto | Woodrow Lloyd | ||||
| Ano de Ĉambro de Deputitoj de Kanado | |||||
| Dum | 10-a de julio 1944 – 7-a de novembro 1961 | ||||
| Antaŭulo | Colin Cameron | ||||
| Sekvanto | balota distrikto dissolviĝis | ||||
| Dum | 22-a de oktobro 1962 – 25-a de junio 1968 | ||||
| Antaŭulo | Erhart Regier | ||||
| Sekvanto | balota distrikto dissolviĝis | ||||
| Dum | 14-a de oktobro 1935 – 15-a de junio 1944 | ||||
| Antaŭulo | Edward James Young | ||||
| Sekvanto | Eric Bowness McKay | ||||
| Ano de Leĝdona asembleo de Saskaĉevano | |||||
| Dum | 15-a de junio 1944 – 7-a de novembro 1961 | ||||
| Antaŭulo | George Crane | ||||
| Sekvanto | Junior Staveley | ||||
| vd | Fonto: Vikidatumoj | ||||
Stariginte la saskaĉevanan sanzorgo-programon, Douglas rezignis la premierecon kaj kampanjis por gvidi la lastatempe formitan kanadan Nov-Demokratian Partion (NDP), la partio kiu postvenis la pli frua KCF. La NDP elektis lin kiel sia unua federacia gvidanto en 1961. Kvankam Douglas neniam estris la partion en registaron, la partio ofte tenis la potenc-ekvilibron en la Ĉambro de Deputitoj. Li renomiĝis pro sia principa opozicio al la altrudo de la Leĝo pri Militaj Rimedoj (angle, War Measures Act; france, Loi sur les mesures de guerre) dum la Oktobra krizo de 1970. Li rezignis kiel partigvidanto la venontan jaron sed daŭris kiel parlamentano ĝis 1979.
Douglas ricevis multajn honorajn doktorecojn, kaj fonduso nome de li kaj de lia politika mentoro, M.J. Coldwell, stariĝis en 1971. En 1981, oni premiis al Douglas la Ordenon Kanadan, kaj li iĝis membro de la Privata Konsilio en 1984, du jarojn antaŭ sia morto. En 2004, programo de la nacia telesendanta korporacio, la CBC, nomis Tommy Douglas kiel La plej brava kanadano (angle, The Greatest Canadian; france, La plus grande personnalité canadienne), surbaze de Kanado-kovranta opiniosondo de la spektantoj.