Steve Coleman

Stephen "Steve" Coleman (naskiĝis la 20-an de septembro 1956 en Ĉikago) estas usona ĵazmuzikisto, aldosaksofonisto, bandestro kaj komponisto.

Steve Coleman
Persona informo
Naskiĝo	20-an de septembro 1956 (1956-09-20) (67-jaraĝa) en Ĉikago
Ŝtataneco	Usono
Alma mater	Universitato de Ĉikago
Okupo
Okupo	komponisto • ĵazmuzikisto • saksofonisto
TTT
Retejo	http://www.m-base.com http://www.m-base.com/

Steve Coleman en Parizo, julion de 2004

Deveno, influoj, aktivecoj

Steve Coleman alkreskis je la suda flanko de Ĉikago en nigrula medio, en kiu muziko ludis gravan, ĉiutagan rolon. Komence li kantis iomete en la preĝejo kaj en la tiam aktualaj etaj ensembloj, kiuj imitis „The Jackson 5“, kaj komencis en la aĝo de 14 jaroj ludi aldosaksofonon. En la aĝo de 17, 18 jaroj lia okupiĝo pri muziko fariĝis tre serioza. Liaj klopodoj lerni improvizi kondukis lin al la muziko de Charlie Parker, kiun lia patro daŭre aŭskultis kaj kiu alprenis esencn gravecon por lia muzika evoluo, krome ankaŭ al la muziko de Sonny Rollins, John Coltrane kaj aliaj. - El inter la muzikistoj, kun kiuj li havis personan kontakton, lin influis en la komenca tempo ĉefe Von Freeman rilate improvizadon, Sam Rivers rilate kompozicion kaj Doug Hammond rilate la konceptan komprenon. Ankaŭ okcidentafrika muziko por li ekhavis jam frue esencan gravecon.

Fine de la 1970-aj jaroj Steve Coleman transloĝiĝis al Novjorko. Baldaŭ kelkaj famaj bandestroj dungis lin, ekzemple Thad Jones kaj Mel Lewis, Sam Rivers, Cecil Taylor, David Murray, Doug Hammond same kiel Dave Holland. Grandparton de sia unua tempo en Novjorko li tamen pasigis per tio, ke li gajnis iomete da mono muzikante en stratmuzika bando, kiun li formis kune kun trumpetisto Graham Haynes. Ĉi tiu ensemblo fariĝis la unua bando nome „Steve Coleman and Five Elements“, en kiu li tiam evoluigis sian improvizadmanieron kaj en kiu fiksiĝis fundamentoj de la koncepto g-bazo, kiun Coleman propagandis.

Ekde la 1980-aj jaroj Steve Coleman intense okupiĝas pri la mondkompreno de antikvaj kulturoj, ĉefe kun la antikva egipta. Al tio lin instigis laŭ lia eldiro la studado de muziko de John Coltrane. Por konatiĝi kun la ankoraŭ nuntempe ekzistaj muzikformoj, streĉe ligitaj kun la antikvaj kulturoj, li entreprenis multajn vojaĝojn al Ganao, Kubo, Senegal, Egiptujo, Barato, Indonezio kaj Brazilo.

En la jaro 1985 Steve Coleman verkis sian unuan lumdiskon kiel bandestro ĉe la germana diskeldonejo JMT kaj faris ekde tiam kun plurfoje ŝanĝita kerna instrumentistaro kaj multaj ŝanĝiĝaj aliaj muzikistoj aron da tre malsamaj sonregistraĵoj (en la 1990-aj jaroj kun la granda diskeldonejo RCA/BMG, ekde 2001 kun la malgranda, franca firmao Label Bleu). Ne plu komercatajn sondiskojn Steve Coleman faras senkoste elŝuteblajn en sia retpaĝaro. La diskon "Alternate Dimension Series I" li diponigis nur nekomercavoje per interreto.

Kiel bandestro li envolvas la kreemon de la unuopaj kunmuzikistoj en siajn konceptoj kaj evoluigas aliaflanke la muzikon agorditan sur la personajn stilojn de siaj kunmuzikistoj. En la 1990-aj jaroj li evoluigis helpe de programistoj en la Pariza Esplorcentralo por Komputila Muziko IRCAM improvizantan komputilan programon, kiu kiel „bandomembro“ muzikis ĉe koncerto de la Coleman-ensemblo la 11-an de junio 1999 en Parizo.

Coleman ĉiam denove laboras kiel kursestro kaj instruisto (inter alie ekde 2000 ĝis 2002 kiel gastprofesoro ĉe la Kalifornia Universitato je Berkeley).

Akcepto

La intenseco kaj komplikeco de la muziko de Steve Coleman, ĝia memstareco, la kontinua pluevoluigo kaj pliampleksigo kondiĉas larĝan spektron de malsamaj, ankaŭ kontraŭdiraj taksadoj fare de aŭskultantoj, muzikistoj kaj recenzistoj. La improvizmaniero de Coleman efikas virtuoza kaj malpasia, kion favoras klara kaj delikata sonformado sur la saksofono kaj eleganta, tre moviĝema melodifarado. Klarnetisto Don Byron nomis Stivon Coleman „Escepta personeco de la usona muzikhistorio“. Pianisto Vijay Iyer diris en la jaro 2010: „Antaŭ miaj okuloj Steve [Coleman] estas same grava kiel [John] Coltrane. Li samkvante kontribuis al la muzikhistorio. Li meritas esti akceptata en la Ĉiudiaron de la vojmontraj artistoj.“

Diskaro

Titolo	Sonregistrado	Jaro de publikado	Diskeldonejo	Rimarkoj
Motherland Pulse	03/1985	1985	JMT	republikigita de Winter & Winter
On the Edge of Tomorrow	01-02/1986	1986	JMT	republikigita de Winter & Winter
World Expansion	11/1986	1987	JMT	republikigita de Winter & Winter
Sine Die	12/1987-01/1988	1988	Pangaea
Rhythm People	02/1990	1990	RCA/Novus
Black Science	12/1990	1991	RCA/Novus
Phase Space (kun Dave Holland)	01/1991	1991	DIW
Rhythm In Mind	04/1991	1991	RCA/Novus
Drop Kick	01/1992	1992	RCA/Novus
The Tao of Mad Phat (Fringe Zones)	05/1993	1993	RCA/Novus	studiokoncerta registraĵo
A Tale of 3 Cities (mit Metrics)	k.A.	1994	RCA/Novus
Def Trance Beat (Modalities of Rhythm)	06/1994	1995	RCA/Novus
Myths, Modes & Means: Live at Hot Brass	03/1995	1995	BMG/RCA	ankaŭ kiel ero de la plurdiskaro "Live in Paris at the Hot Brass"
Way of the Cipher: Live at Hot Brass (kun Metrics)	03/1995	1995	BMG/RCA	ankaŭ kiel ero de la plurdiskaro "Live in Paris at the Hot Brass"
Curves of Life: Live at Hot Brass	03/1995	1995	BMG/RCA	ankaŭ kiel ero de la plurdiskaro "Live in Paris at the Hot Brass"
The Sign and the Seal: Transmissions of the Metaphysics of a Culture	02/1996	1996	BMG/RCA
Genesis / The Opening Of The Way	11/1996-06/1997	1997	BMG/RCA	duobla lumdisko
The Sonic Language of Myth: Believing, Learning, Knowing	04/1998	1998	BMG/RCA
The Ascension To Light	04-06/1999	2001	BMG/RCA
Resistance is Futile	07/2001	2002	Label Bleu	duobla lumdisko
Alternate Dimension Series I	03/2002	2002	senpage elŝutebla ĉe m-base.com
On the Rising of the 64 Paths	03-04/2002	2003	Label Bleu
Lucidarium	05/2003	2004	Label Bleu
Weaving Symbolics	04/2004-05/2005	2006	Label Bleu	duobla lumdisko, pokaze kun lumdiska filmo dorsflanke
Invisible Paths: First Scattering	28.3.2007, 10.4.2007	2007	Tzadik Records	Steve Coleman sole
Harvesting Semblances and Affinities		2010	Pi

Multajn ne plu aĉeteblajn diskojn Steve Coleman mem proponas en sia hejmpaĝaro MP3-formate por senpaga elŝutado.

Dokumentfilmo

La dokumentfilmo „Elements of One“ de Eve-Marie Breglia, aĉetebla kiel lumdiskego, montras Koŭlmenon rentonte kun diversaj influoj (kun i.a. kubaj, afrikaj kaj barataj muzikistoj). La unuopaj scenoj de la filmo publikigita en la jaro 2005 estis registritaj en 1996 ĝis 2003. La lumdiskego enhavas la dokumentfilmon 98 minutojn daŭran kaj aldonajn scenojn daŭrajn entute 60 minutojn.

Eksteraj ligiloj

• Oficiala retpaĝo
• Tradukaĵoj de tekstoj el la oficiala retpaĝo en aliajn lingvojn