Subjekto Objekto Verbo

Laŭ lingva tipologio, SOV estas la plej komuna vortordo inter la lingvoj de la mondo.

Vort- ordo	Esperanta ekvivalento	Proporcio de lingvoj		Ekzemplaj lingvoj
SOV	"Mi vin amas."	45%		hindia, japana, latina
SVO	"Mi amas vin."	42%		angla, ĉina, rusa
VSO	"Amas mi vin."	9%		hebrea, irlanda, zapoteka
VOS	"Amas vin mi."	3%		baure, fiĝia, malagasa
OVS	"Vin amas mi."	1%		apalai, hixkaryana, tamila
OSV	"Vin mi amas."	0%		jamamadí, warao, xavante

Ofteco de lingvaj vortordoj enketita fare de Russell S. Tomlin.

Ekzemple:

La kato la muson ĉasas.

El la japana lingvo:

私は箱を開けます。

Watashi wa hako o akemasu.

Mi la skatolo(j)n malfermas.

Tiu vortordo estas tipe uzata en:

• la Aina lingvo
• la Eŭska lingvo
• la Hinda lingvo
• la Japana lingvo
• la Keĉua lingvo
• la Korea lingvo
• la Latina lingvo
• la Nubia lingvo
• la Persa lingvo
• la Praskandinavia lingvo
• la Tamila lingvo
• la Tibeta lingvo
• la Turka lingvo

SOV lingvoj havas fortan emon uzi postpoziciojn anstataŭ prepozicioj, sed ekzistas esceptoj al tiu emo, ekzemple la latina. Ili emas meti helpoverbojn post la ĉefverbo, genitivan substantivan subfrazon antaŭ la posedata substantivo, kaj subjunkcioj je la fino de subjunkcia subfrazo. Lingvoj kie relativa subfrazo antaŭas la modifatan substantivon estas plej ofte SOV, sed la renverso ne estas vera; multaj SOV lingvoj havas relativajn subfrazojn post la modifatan substantivon. SOV lingvoj ankaŭ emas ordigi la adpoziciajn subfrazojn laŭ ordo tempo-maniero-loko.

 Formo: Subjekto - Objekto - Verbo

Komparu kun SVO, VSO, VOS, OSV, OVS.

Vidu ankaŭ

• Verbo Subjekto Objekto
• Subjekto Verbo Objekto